ക്രൈസ്റ്റ്ചര്‍ച്ച്: പുതുവത്സരാഘോഷത്തിനിടെ മേല്‍ വസ്ത്രം ധരിക്കാതെ എത്തിയ യുവതിയെ സ്പര്‍ശിച്ച യുവാവിന് ലഭിച്ചത് ചുട്ടമറുപടി. അപമാനത്തിന് ഇരയായ യുവതിയും കൂട്ടുകാരിയും ചേര്‍ന്ന് യുവാവിനെ മര്‍ദിച്ചു.  ന്യൂസിലാന്‍ഡിലെ നോര്‍ത്ത് ഐലന്റിലായിരുന്നു സംഭവം. സംഭവത്തിന്റെ വീഡിയോ സമൂഹ്യമാധ്യമങ്ങളില്‍ വൈറലായിരിക്കുകയാണ്. 

മാറില്‍ തിളങ്ങുന്ന ഒരു നേരിയ വസ്ത്രം മാത്രമാണ് യുവതി ധരിച്ചിരുന്നത്. പിന്നില്‍ നിന്ന് എത്തി യുവതിയെ അശ്ലീലാര്‍ത്ഥത്തില്‍ സ്പര്‍ശിച്ച് ഓടി രക്ഷപ്പെടാന്‍ ശ്രമിച്ച യുവാവിനെയാണ് യുവതിയും കൂട്ടുകാരിയും ചേര്‍ന്ന് തല്ലിയത്. നീല ഷര്‍ട്ടും പിങ്ക് തൊപ്പിയും ധരിച്ച യുവാവിനെ യുവതികള്‍ മര്‍ദിക്കുന്നത് വീഡിയോയില്‍ കാണാം. ഇതിനിടയില്‍ കൂട്ടുകാരി അയാളുടെ മുഖത്ത് അടിക്കുന്നതും ദൃശ്യങ്ങളില്‍ കാണാം. സംഭവ സ്ഥത്തുണ്ടായിരുന്ന യുവാവാണ് വീഡിയോ പോസ്റ്റ് ചെയ്തിരിക്കുന്നത്.