യൂത്രെ: ഡച്ച് നഗരമായ യൂത്രെയിലെ ട്രാമിന് നേരെയുണ്ടായത് ഭീകരാക്രമണമെന്ന് സംശയിക്കുന്നതായി പൊലീസ്. വെടിവയ്പ്പില്‍ മരണസംഖ്യ മൂന്നായി ഉയര്‍ന്നു. സിസി ടിവികളില്‍ നിന്നും ലഭിച്ച അക്രമിയുടെ ചിത്രം പൊലീസ് നേരത്തേ പുറത്ത് വിട്ടിരുന്നു. അക്രമി തുര്‍ക്കി സ്വദേശിയായ ഗോക്മാന്‍ ടാനിസാണ് ഇതെന്നാണ്‌ പൊലീസിന്റെ സ്ഥിരീകരണം.ഇയാള്‍ക്കായി തെരച്ചില്‍ ശക്തമാക്കി

വെടിവയ്പ്പിന്റെ പശ്ചാത്തലത്തില്‍ രാജ്യത്തെ സ്‌കൂളുകള്‍ക്ക് അവധി നല്‍കിയിട്ടുണ്ട്. 24 ഒക്ടോബര്‍പ്ലെയ്ന്‍ സ്റ്റേഷനില്‍ ട്രാം നിര്‍ത്തിയപ്പോഴാണ് അക്രമി യാത്രക്കാര്‍ക്ക് നേരെ വെടിയുതിര്‍ത്തത്.

പരിക്കേറ്റവര്‍ക്ക് ആശുപത്രികളില്‍ വിദഗ്ധ ചികിത്സ ലഭ്യമാക്കി വരികയാണ്. നെതര്‍ലന്റിലെ പ്രാദേശിക സമയം രാവിലെ 10.45 നായിരുന്നു ആക്രമണം ഉണ്ടായത്.