വാഷിങ്ടണ്: ഹിജാബ് ധരിച്ച് മത്സരത്തിനെത്തിയ പെണ്കുട്ടിക്ക് ബാസ്ക്കറ്റ് ബോള് ഫൈനല് മത്സരത്തില് നിന്നും വിലക്ക്. അമേരിക്കയിലെ മേരിലാന്റിലാണ് സംഭവം. പതിനാറുകാരിയായ ജെ നാന് ഹായെസ്, ഗെയ്തര്സ്ബെര്ഗിലെ വാട്കിന്സ് മില് ഹൈസ്ക്കൂള് വിദ്യാര്ഥിനിയാണ്. സീസണിലെ 24 കളികളിലും ഹിജാബ് ധരിച്ചാണ് പെണ്കുട്ടി മത്സരത്തിനിറങ്ങിയിരുന്നത്. എന്നാല് ഫൈനലില് നിന്നും പെണ്കുട്ടിയെ സ്കൂള് അധികൃതര് ഒഴിവാക്കുകയായിരുന്നു.
ചാമ്പ്യന്ഷിപ്പില് പങ്കെടുക്കുന്നതിന് തട്ടം തടസ്സമാണെന്ന് നേരത്തേ കോച്ച് അറിയിച്ചിരുന്നു. ഇത്തരമൊരു നിയമത്തെ കുറിച്ച് നേരത്തേ അറിയില്ലായിരുന്നെന്നും കോച്ച് വ്യക്തമാക്കി. വേറെ വഴിയൊന്നുമില്ലാത്തതിനാലാണ് ഹയസിനെ ഒഴിവാക്കുന്നതെന്നും അദ്ദേഹം പറഞ്ഞു. സംഭവത്തില് താന് ദുഖിതയും രോക്ഷാകുലയുമാണെന്ന് ഹായെസ് പ്രതികരിച്ചു. നിയമപ്രകാരം ഹായെസ് തട്ടമിടാന് അനുമതി വാങ്ങിയിരുന്നെങ്കില് ഇത് സംഭവിക്കില്ലായിരുന്നു.
കുട്ടികളുടെ സുരക്ഷയെ തുടര്ന്നാണ് ഇത്തരം നിയമങ്ങള് കര്ശനമാക്കുന്നതെന്ന് മേരിലാന്റ് പബ്ലിക് സ്കൂള് അത്ലറ്റ് അസോസിയേഷന് പ്രതികരിച്ചു. എന്നാല് ഇത് വിവേചനപരമായ നടപടിയാണെന്നായിരുന്നു ഹയസിന്റെ പ്രതികരണം.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates