ന്യൂയോര്‍ക്ക്: യുഎസ് ഓപ്പണ്‍ വനിതാ സിംഗിള്‍സ് കിരീടം ബെലറൂസ് താരം അരീന സബലേങ്കയ്ക്ക്. ഫൈനലില്‍ അമേരിക്കയുടെ ജെസീക്ക പെഗുലയെ തോല്‍പ്പിച്ചു. സ്‌കോര്‍: 7-5, 7-5. സബലേങ്കയുടെ മൂന്നാം ഗ്ലാന്‍സ്ലാം കിരീടനേട്ടമാണിത്.

വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍

ഒന്നാം സെറ്റിലെ തോല്‍വിക്ക് ശേഷം രണ്ടാം സെറ്റിലും തുടക്കത്തില്‍ തന്നെ പതറിയ പെഗുല പിന്നീട് ശക്തമായ തിരിച്ചുവരവ് നടത്തിയെങ്കിലും സബലേങ്കയുടെ ദൃഢനിശ്ചയത്തിന് മുന്നില്‍ പരാജയപ്പെടുകയായിരുന്നു.

രണ്ടാം സെറ്റില്‍ 0-3 എന്ന നിലയില്‍ നിന്ന് പെഗുല 5-3ന് ലീഡ് നേടിയെങ്കിലും ശക്തമായ പോരാട്ടത്തിലൂടെ സബലേങ്ക വിജയം കൈപ്പിടിയില്‍ ഒതുക്കുകയായിരുന്നു. ആദ്യ സെറ്റ് 60 മിനിറ്റ് വരെ നീണ്ടുനിന്നു.