ലഖ്നൗ: താരങ്ങളെ പരസ്പരം കൈമാറി ഐപിഎല് ടീമുകളായ രാജസ്ഥാന് റോയല്സ്, ലഖനൗ സൂപ്പര് ജയന്റ്സ് ടീമുകള്. രാജസ്ഥാന് ബാറ്റര് ദേവ്ദത്ത് പടിക്കലിനെ ലഖ്നൗ സ്വന്തമാക്കി. ലഖ്നൗ ബൗളര് ആവേശ് ഖാനെ രാജസ്ഥാനും സ്വന്തമാക്കി.
പത്ത് കോടി രൂപയ്ക്കാണ് ആവേശിനെ നേരത്തെ ലഖ്നൗ സ്വന്തമാക്കിയത്. ഇതേ തുക തന്നെ താരത്തിനു രാജസ്ഥാന് നല്കും. 7.75 കോടിക്കാണ് രാജസ്ഥാന് പടിക്കലിനെ ടീമിലെത്തിച്ചത്. ഇതേ തുക ലഖ്നൗ താരത്തിനായി മുടക്കും.
രണ്ട് സീസണായി സഞ്ജു സാംസണ് നായകനായ രാജസ്ഥാന്റെ നിര്ണായക ബാറ്ററാണ് പടിക്കല്. 57 ഐപിഎല് മത്സരങ്ങള് ഇതുവരെ കളിച്ച താരം 1521 റണ്സുകള് നേടി. ഒരു സെഞ്ച്വറിയും ഒന്പത് അര്ധ സെഞ്ച്വറികളും. രാജസ്ഥാനായി നേടിയത് 637 റണ്സ്. 28 മത്സരങ്ങളില് നിന്നാണ് താരം ഇത്രയും റണ്സ് ടീമിനായി അടിച്ചത്.
47 ഐപിഎല് മത്സരങ്ങള് കളിച്ചിട്ടുള്ള ആവേശ് 55 വിക്കറ്റുകള് നേടി. ലഖ്നൗവിനായി 22 മത്സരങ്ങള് കളിച്ചു 26 വിക്കറ്റുകള് നേടി. 2022ലാണ് താരം ലഖ്നൗവിലെത്തിയത്.
ഈ വാര്ത്ത കൂടി വായിക്കൂ
സമകാലിക മലയാളം ഇപ്പോള് വാട്സ്ആപ്പിലും ലഭ്യമാണ്. ഏറ്റവും പുതിയ വാര്ത്തകള്ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates