ദുബായ്: ഐപിഎല് പതിനാലാം സീസണിലെ ഏറ്റവും മികച്ച വേഗം കണ്ടെത്തിയ ഉമ്രാന് മാലിക്ക് ട്വന്റി20 ലോകകപ്പിനുള്ള ഇന്ത്യന് സംഘത്തിലെ നെറ്റ് ബൗളര്. ഐപിഎല്ലിലെ ലീഗ് ഘട്ട മത്സരങ്ങള് കഴിഞ്ഞ് സണ്റൈസേഴ്സ് ഹൈദരാബാദ് താരങ്ങള് നാട്ടിലേക്ക് മടങ്ങിയെങ്കിലും ഉമ്രാന് മാലിക്കിനോട് ദുബായില് തന്നെ തുടരാന് ബിസിസിഐ നിര്ദേശിച്ചു.
153 കിലോ മീറ്റര് വേഗത്തില് പന്തെറിഞ്ഞാണ് ഐപിഎല് സീസണിലെ ഏറ്റവും വേഗമേറിയ ഡെലിവറി എന്ന റെക്കോര്ഡ് ഉമ്രാന് മാലിക്ക് തന്റെ പേരിലേക്ക് ചേര്ത്തത്. വിരാട് കോഹ് ലിയുടെ ബാംഗ്ലൂരിന് എതിരെയായിരുന്നു മാലിക്കില് നിന്ന് തുടരെ 150ന് മുകളില് വേഗതയില് പന്ത് എത്തിയത്.
രോഹിത് ശര്മ, വിരാട് കോഹ്ലി ഉള്പ്പെടെയുള്ള താരങ്ങള്ക്ക് എതിരെ നെറ്റ്സില് പന്തെറിയുന്നത് ഉമ്രാന് മാലിക്കിന് ഗുണം ചെയ്തേക്കും എന്നാണ് വിലയിരുത്തപ്പെടുന്നത്. 21 വയസ് മാത്രമാണ് ഉമ്രാന് മാലിക്കിന്റെ പ്രായം.
ഈ സീസണില് 152.75 കിലോമീറ്റര് വേഗത്തില് പന്തെറിഞ്ഞ കൊല്ക്കത്തയുടെ ലോക്കി ഫെര്ഗൂസനെയാണ് ഉമ്രാന് മാലിക്ക് മറികടന്നത്. സീസണില് ബാംഗ്ലൂരിന് എതിരെ ഒരോവറില് തന്നെ 151,152,153 കിലോമീറ്റര് വേഗതയില് മാലിക്ക് പന്തെറിഞ്ഞിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates