കൊച്ചി: ഐഎസ്എല്‍ പോരാട്ടത്തില്‍ ചെന്നൈയിന്‍ എഫ് സിയെ സമനിലയില്‍ തളച്ച് കേരള ബ്ലാസ്റ്റേഴ്‌സ്. ആദ്യ പകുതിയില്‍ 3-2ന് ചെന്നൈയിന്‍ മുന്നിട്ട് നിന്നപ്പോള്‍ രണ്ടാം പകുതിയില്‍ ബ്ലാസ്റ്റേഴ്സിന് സമനില പിടിച്ചു. മത്സരത്തിറെ ആദ്യ മിനിറ്റില്‍ ഗോളടിച്ച് ചെന്നൈ ഞെട്ടിച്ചെങ്കിലും മറുപടി ഗോളുകളോടെ ബ്ലാസ്റ്റേഴ്‌സ് ചെന്നൈയെ പിടിച്ചുകെട്ടുകയായിരുന്നു. 

ആദ്യ പകുതിയില്‍ 2-3 ന് പിന്നിലായ ബ്ലാസ്റ്റേഴ്‌സ് 59 -ാം മിനിട്ടിലാണ് സമനില ഗോള്‍ നേടിയത്. അവസാന 30 മിനിട്ടില്‍ ഇരുടീമുകളും വിജയഗോളിനായി വട്ടമിട്ട് കറങ്ങിയെങ്കിലും വല ചലിപ്പിക്കാനായില്ല.  ബ്ലാസ്റ്റേഴ്സിന്റെ ഡയമാന്റകോസും ചെന്നൈയിന്റെ ജോര്‍ദാന്‍ മുറെയും ഇരട്ട ഗോളുകള്‍ നേടി. പെനാല്‍റ്റിയിലൂടെയായിരുന്ന ഇരുവരുടേയും ഒരോ ഗോളുകള്‍. തുടര്‍ച്ചയായ മൂന്ന് വിജയങ്ങള്‍ക്ക് ശേഷമാണ് ബ്ലാസ്റ്റേഴ്സ് സമനില വഴങ്ങുന്നത്.

സമനിലയെങ്കിലും 17 പോയിന്റുകളുമായി ബ്ലാസ്റ്റേഴ്‌സ് പട്ടികയില്‍ ഒന്നാമതെത്തി. 16 പോയിന്റുള്ള ഗോവയാണ് രണ്ടാമത്. സീസണില്‍ ബ്ലാസ്റ്റേഴ്‌സിന്റെ രണ്ടാം സമനിലയാണിത്. ബ്ലാസ്‌റ്റേഴ്‌സ് നിരയില്‍ ദിമിത്രിയോസ് ഡയമെന്റകോസ് (11ാം മിനിറ്റില്‍ പെനല്‍റ്റി, 60), ക്വാമെ പെപ്ര (38) എന്നിവരാണു ഗോളുകള്‍ നേടിയത്. ജോര്‍ദാന്‍ മറിയും (13 പെനല്‍റ്റി, 24), റഹീം അലി (1) യുമാണ് ചെന്നൈയിന്റെ ഗോള്‍ സ്‌കോറര്‍മാര്‍.

ഈ വാർത്ത കൂടി വായിക്കൂ

'ഇന്ത്യന്‍ ടീമിനെ വാര്‍ത്തെടുത്തു'; രാഹുല്‍ ദ്രാവിഡ് കോച്ചായി തുടരും

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ