ന്യൂഡല്‍ഹി: ഇന്ത്യയുടെ ലോകകപ്പിനുള്ള ടി20 സംഘത്തില്‍ ചഹല്‍ ഉള്‍പ്പെടാതിരുന്നതിന് പിന്നാലെ പ്രതികരണവുമായി താരത്തിന്റെ ഭാര്യ ധനശ്രീ വര്‍മ. ഈ സമയവും കടന്ന് പോകും എന്നാണ് ലെഗ് സ്പിന്നറുടെ ഭാര്യ ഇന്‍സ്റ്റഗ്രാം സ്റ്റോറിയില്‍ പറയുന്നത്.
തല ഉയര്‍ത്തി നില്‍ക്കുക. നിങ്ങളുടെ കഴിവും നന്മയും എല്ലായ്‌പ്പോഴും നിങ്ങളെ പിന്തുണയ്ക്കും, ദൈവം വലിയവനാണ് എന്നാണ് ധനശ്രീ സമൂഹമാധ്യമങ്ങളില്‍ കുറിച്ചത്. ചഹലിനെ ടീമില്‍ ഉള്‍പ്പെടുത്താതിരുന്ന തീരുമാനം വലിയ തോതില്‍ ചര്‍ച്ചയായിരുന്നു.
ചഹലിന് പകരം രാഹുല്‍ ചഹറിനെ ഉള്‍പ്പെടുത്താന്‍ തീരുമാനിക്കുകയായിരുന്നു എന്നാണ് ചീഫ് സെലക്ടര്‍ ചേതന്‍ ശര്‍മ പറഞ്ഞത്. കൂടുതല്‍ വേഗത്തില്‍ പിച്ചിലെ പേസ് ഉപയോഗപ്പെടുത്താന്‍ സാധിക്കുന്ന താരത്തെയാണ് ഞങ്ങള്‍ക്ക് വേണ്ടിയിരുന്നത് എന്നും അദ്ദേഹം വ്യക്തമാക്കി.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates