മുംബൈ: സമൂഹമാധ്യമങ്ങളിലെ അധിക്ഷേപ കമന്റിന് മറുപടി നല്‍കി സച്ചിന്‍ ടെണ്ടുല്‍ക്കറുടെ മകള്‍ സാറാ ടെണ്ടുല്‍ക്കര്‍. ഇന്‍സ്റ്റഗ്രാം സ്റ്റോറിക്ക് ലഭിച്ച കമന്റിന് മറുപടി നല്‍കിയാണ് സാറയുടെ വരവ്. 

കോഫിയുടെ ചിത്രം പങ്കുവെച്ച സാറയുടെ സ്റ്റോറിക്ക് പിതാവിന്റെ പണം നശിപ്പിക്കുന്നു എന്നാണ് റിപ്ലേ വന്നത്. ഇതിന്റെ സ്‌ക്രീന്‍ ഷോട്ട് എടുത്ത് സാറ, കോഫിക്ക് വേണ്ടി ചിലവഴിക്കുന്നത് നന്നായി ചിലവാക്കുക എന്നതാണെന്നും നശിപ്പിക്കുകയല്ലെന്നും പറയുന്നു, അത് ആരുടെ പണമായാലും എന്നും സാറ എഴുതി.

മുംബൈ ജേഴ്‌സിയിലെ അര്‍ജുന്റെ ചിത്രം സ്റ്റോറിയാക്കിയപ്പോഴും ഇതേ അക്കൗണ്ടില്‍ നിന്ന് അധിക്ഷേപ കമന്റ് സാറയ്ക്ക് ലഭിച്ചു. വിലകുറഞ്ഞവന്‍ എന്നാണ് ഇതിന് ലഭിച്ച കമന്റ്.