പൂനെ: നാലാം ടി20യില്‍ ശിവം ദുബെയ്ക്ക് പകരം ഹര്‍ഷിത് റാണെയെ കണ്‍കഷന്‍ സബ് ആയി ടീമില്‍ ഉള്‍പ്പെടുത്തിയതില്‍ വിയോജിപ്പ് പ്രകടിപ്പിച്ച് ഇംഗ്ലണ്ട് നായകന്‍ ജോഷ് ബട്‌ലര്‍. മത്സരത്തില്‍ ഇന്ത്യ ഇംഗ്ലണ്ടിനെ 15 റണ്‍സിന് പരാജയപ്പെടുത്തി പരമ്പര സ്വന്തമാക്കി. എന്നാല്‍ പകരക്കാരനെ തെരഞ്ഞെടുത്തത് വിവാദങ്ങള്‍ക്ക് വഴിയൊരുക്കി.
ദുബെയ്ക്ക് പകരം ഹര്‍ഷിത് എന്നത് സമാനമായ ഒരുപകരക്കാരനല്ല. തങ്ങള്‍ അതിനോട് യോജിക്കുന്നില്ലെന്ന് ബട്‌ലര്‍ പറഞ്ഞു. ശിവം ദുബെ ബൗളിങ് മെച്ചപ്പെടുത്തുകയോ ഹര്‍ഷിത് ബാറ്റിങ് മെച്ചപ്പെടുത്തകുയോ ചെയ്താലെ ഈ സബ് ഒരേ പോലെയുള്ളവര്‍ തമ്മില്‍ ആവുകയുള്ളുവെന്നും ബട്‌ലര്‍ പറഞ്ഞു ഒരേ രീതിയിലുള്ള കളിക്കാരനെ കണ്‍കഷന്‍ സബ്സ്റ്റിറ്റിയൂട്ടായി ഉപയോഗിക്കണമെന്നാണ് നിയമമെന്നും എന്നാല്‍ ഈ നിയമം ഇന്നലത്തെ മത്സരത്തില്‍ പാലിച്ചില്ലെന്നും അതുകൊണ്ട് തന്നെ ഇത് അംഗീകരിക്കാനികില്ലെന്നും ബട്‌ലര്‍ പറഞ്ഞു.
ദുബെയുടെ കണക്ഷന്‍ പകരക്കാനായി ടി20യില്‍ അരങ്ങേറ്റം കറിച്ച ഹര്‍ഷിത് റാണ മൂന്ന് വിക്കറ്റുകള്‍ വീഴ്ത്തി ഇന്ത്യയുടെ വിജയത്തില്‍ നിര്‍ണായക പങ്കുവഹിച്ചു. ഈ തീരുമാനത്തിന് മുന്‍പ് ഇംഗ്ലണ്ടിനോട് കൂടിയാലോചിച്ചിട്ടില്ലെന്ന് ബട്‌ലര്‍ പറഞ്ഞു. ഞങ്ങളുമായി ഒരു കൂടിയാലോചനയും നടന്നില്ല. ബാറ്റ് ചെയ്യാന്‍ വന്നപ്പോള്‍ ഞാന്‍ ചിന്തിച്ചിരുന്നത് അതാണ്. ഹര്‍ഷിത് ആര്‍ക്ക് പകരമാണ് കളിക്കുന്നത്. അദ്ദേഹം ഒരു കണകഷന്‍ പകരക്കാരനാണെന്ന് അവര്‍ പറഞ്ഞു. അതിനോട് എനിക്ക് വിയോജിപ്പണ്ടായിരുന്നു. അത് സമാനമായ പകരക്കാരനല്ല. ഞങ്ങള്‍ ജയിക്കേണ്ടിയിരുന്ന മത്സരമായിരുന്നു. തുല്യരായ താരങ്ങളല്ല ഇരുവരും. മാച്ച് റഫറിയാണ് ഇത് അംഗീകരിച്ചതെന്നാണ് അറിഞ്ഞത്. എന്തായാലും മാച്ച് റഫറി ജവഗല്‍ ശ്രീനാഥിനോട് വ്യക്തത തേടും' ബട്‌ലര്‍ കൂട്ടിച്ചേര്‍ത്തു.
2020ല്‍ ഓസ്‌ട്രേലിയക്കെതിരായ ഒരു ടി20യില്‍ രവിന്ദ്ര ജഡേദയെ കണ്‍കഷന്‍ പകരക്കാരനായ യുശ്വേന്ദ്ര ചാഹല്‍ വന്നപ്പോള്‍ സമാന സാഹചര്യവുമായി ഈ സംഭവം താരതമ്യം ചെയ്യപ്പെട്ടു. അന്ന് ആ നടപടിയും ചോദ്യം ചെയ്യപ്പെട്ടിരുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates