രാജ്കോട്ട്: ഇംഗ്ലണ്ടിനെതിരായ മൂന്നാം ടി20 മത്സരത്തിൽ ടോസ് നേടിയ ഇന്ത്യ ബൗളിങ് തിരഞ്ഞെടുത്തു. അർഷ്ദീപ് സിങ്ങിന് പകരം ഇന്ന് ഫാസ്റ്റ് ബൗളർ മുഹമ്മദ് ഷമി ഇറങ്ങും. 2023 ഏകദിന ലോകകപ്പ് ഫൈനലിന് ശേഷം ആദ്യമായിട്ടാണ് ഷമി ഇന്ത്യന് ജേഴ്സി അണിയുന്നത്. ഇംഗ്ലണ്ട് ടീമില് മാറ്റമൊന്നും വരുത്തിയിട്ടില്ല. എന്നാല് വിക്കറ്റ് കീപ്പറായി കളിക്കുക ജാമി സ്മിത്തായിരിക്കും. ഫില് സാള്ട്ട് ഫീല്ഡ് ചെയ്യും.
മൂന്നാം മത്സരവും ജയിച്ച് അഞ്ച് മത്സര പരമ്പര പിടിക്കുകയാണ് ഇന്ത്യയുടെ ലക്ഷ്യം. എന്നാല് പരമ്പരയില് ജീവന് നിലനിത്താനാണ് ഇംഗ്ലണ്ട് ഇറങ്ങുന്നത്. മലയാളി താരം സഞ്ജു സാംസണ് ഫോമിലെത്താനുള്ള ശ്രമത്തിലാണ്. ആദ്യ മത്സരത്തില് മികവോടെ തുടങ്ങിയ മലയാളി താരത്തിനു 20 പന്തില് 26 റണ്സുമായി പുറത്താകേണ്ടി വന്നു. രണ്ടാം മത്സരത്തില് 5 റണ്സിലും സഞ്ജു മടങ്ങി. രണ്ട് കളിയിലും ജോഫ്ര ആര്ച്ചറുടെ പന്തിലാണ് സഞ്ജു പുറത്തായത്. താരം നെറ്റ്സില് പേസര്മാരെ നേരിടാന് പ്രത്യേക പരിശീലനം നടത്തി.
ക്യാപ്റ്റന് സൂര്യകുമാര് യാദവും സമാന മാനസിക അവസ്ഥയില് തന്നെ. ഫോം വീണ്ടെടുക്കാനുള്ള ശ്രമത്തിലാണ് ക്യാപ്റ്റന്. രണ്ടാം പോരാട്ടത്തില് തിലക് വര്മയുടെ മികവാണ് ഇന്ത്യക്ക് നാടകീയ ജയം സമ്മാനിച്ചത്. താരത്തിന്റെ ഫോം ഇന്ത്യക്ക് പ്രതീക്ഷയാണ്. മറുഭാഗത്ത് ഇംഗ്ലണ്ട് ആദ്യ രണ്ട് മത്സരങ്ങള് കളിച്ച ടീമിനെ തന്നെ നിലനിര്ത്തും. മുന്നിര ബാറ്റര്മാര് ഫോമിലെത്താത്തത് അവരെ കുഴക്കുന്നു. ക്യാപ്റ്റന് ജോസ് ബട്ലര് മാത്രമാണ് സ്ഥിരത പുലര്ത്തുന്നത്.
ഇന്ത്യ: സൂര്യകുമാര് യാദവ് (ക്യാപ്റ്റന്), സഞ്ജു സാംസണ്, അഭിഷേക് ശര്മ, തിലക് വര്മ, ഹര്ദിക് പാണ്ഡ്യ, അക്ഷര് പട്ടേല്, വാഷിങ്ടന് സുന്ദര്, റിങ്കു സിങ്, അര്ഷ്ദീപ് സിങ്, രവി ബിഷ്ണോയ്, വരുണ് ചക്രവര്ത്തി.
ഇംഗ്ലണ്ട്: ജോസ് ബട്ലര് (ക്യാപ്റ്റന്), ഫിലിപ്പ് സാള്ട്ട്, ബെന് ഡക്കറ്റ്, ഹാരി ബ്രൂക്ക്, ലിയാം ലിവിംഗ്സ്റ്റണ്, ജാമി സ്മിത്ത്, ജാമി ഓവര്ട്ടണ്, ബ്രൈഡണ് കാര്സെ, ജോഫ്ര ആര്ച്ചര്, ആദില് റഷീദ്, മാര്ക്ക് വുഡ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates