പനാജി: സന്തോഷ് ട്രോഫി ഫുട്‌ബോളില്‍ തുടര്‍ച്ചയായ മൂന്നാം ജയം ലക്ഷ്യമിട്ട് കേരളം ഇന്നിറങ്ങുന്നു. ഛത്തീസ് ഗഡ് ആണ് എതിരാളികള്‍. രാവിലെ ഒമ്പതിനാണ് മത്സരം ആരംഭിക്കുക. 

നേരത്തെ നടന്ന കളികളില്‍ ഗുജറാത്തിനെയും ജമ്മു കശ്മീരിനെയും കേരളം പരാജയപ്പെടുത്തിയിരുന്നു. ആദ്യ മത്സരത്തില്‍ ഗുജറാത്തിനെ എതിരില്ലാത്ത മൂന്നു ഗോളുകള്‍ക്കാണ് കേരളം തോല്‍പ്പിച്ചത്. 

രണ്ടാം മത്സരത്തില്‍ ജമ്മുകശ്മീരിനെ ഒന്നിനെതിരെ ആറു ഗോളുകള്‍ക്കാണ്  കേരളം തകര്‍ത്തത്. ജിതിന്‍ രണ്ട് ഗോള്‍ നേടിയപ്പോള്‍ സജീഷ്, മുഹമ്മദ് ആഷിഖ്, അബ്ദു റഹീം, റിസ്വാന്‍ അലി എന്നിവരും കേരളത്തിനു വേണ്ടി ഗോള്‍ നേടി.

ഈ വാർത്ത കൂടി വായിക്കൂ 

'ഇടിവെട്ട് ഇന്ത്യ'; പാകിസ്ഥാനെ തരിപ്പണമാക്കി

സമകാലിക മലയാളം ഇപ്പോൾ വാട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾക്കായി ക്ലിക്ക് ചെയ്യൂ