ഭുവനേശ്വര്‍: സന്തോഷ് ട്രോഫി ഫുട്‌ബോള്‍ ടൂര്‍ണമെന്റില്‍ ആതിഥേയരായ ഒഡീഷയ്‌ക്കെതിരെ കേരളത്തിന് വിജയം. എതിരില്ലാത്ത ഒരു ഗോളിനാണ് കേരളം ജയിച്ചത്. 16-ാം മിനുട്ടില്‍ നിജോ ഗില്‍ബര്‍ട്ടാണ് കേരളത്തിനായി ഗോള്‍ നേടിയത്.
വിജയത്തോടെ കേരളം സെമിഫൈനല്‍ പ്രതീക്ഷ നിലനിര്‍ത്തി. ഇരുകൂട്ടര്‍ക്കും വിജയം അനിവാര്യമായതിനാല്‍ ആദ്യ മിനിറ്റുതൊട്ട് കേരളവും ഒഡിഷയും ആക്രമണ ഫുട്ബോളാണ് കെട്ടഴിച്ചത്.
15-ാം മിനിറ്റില്‍ കേരളത്തിന് അനുകൂലമായി റഫറി പെനാല്‍റ്റി വിധിച്ചതാണ് നിര്‍ണായകമായത്. കേരളത്തിന്റെ ക്രോസിന് ഒഡിഷ താരം കൈവെച്ചതോടെയാണ് റഫറി പെനാല്‍റ്റി വിധിച്ചത്.
കിക്കെടുത്ത നിജോ ഗില്‍ബര്‍ട്ട് ലക്ഷ്യം തെറ്റാതെ പന്ത് വലയിലെത്തിച്ചു. ഫൈനല്‍ റൗണ്ടിലെ നിജോയുടെ മൂന്നാം ഗോള്‍ കൂടിയാണിത്. അടുത്ത മത്സരത്തില്‍ പഞ്ചാബാണ് കേരളത്തിന്റെ എതിരാളികള്‍.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates