സാവോ പോളോ: ഫുട്‌ബോൾ ഇതിഹാസം പെലെയെ വീണ്ടും ആശുപത്രിയിൽ പ്രവേശിപ്പിച്ചു. ഐസിയുവിലാണ് പെലെയെ പ്രവേശിപ്പിച്ചിട്ടുള്ളത്. എന്നാൽ ആരോഗ്യനില തൃപ്തികരമാണെന്നാണ് അദ്ദേഹത്തിൻറെ കുടുംബം അറിയിച്ചു. 

ഈ മാസം ആദ്യം പെലെ ശസ്ത്രക്രിയക്ക് വിധേയനായിരുന്നു. വൻകുടലിലെ ട്യൂമർ നീക്കം ചെയ്യാനായിരുന്നു ശസ്ത്രക്രിയ. ശസ്ത്രക്രിയക്ക് ശേഷം ആരോ​ഗ്യനില മെച്ചപ്പെട്ടതോടെ അദ്ദേഹം ആശുപത്രി വിട്ടിരുന്നു. എന്നാൽ ആശുപത്രി വിട്ട് ഒരാഴ്ചയാകും മുൻപ് അദ്ദേഹത്തെ വീണ്ടും ആശുപത്രിയിൽ പ്രവേശിപ്പിച്ചിരിക്കുകയാണ്. 

ആസിഡ് റിഫ്ലക്സ് കാരണം ആണ് അദ്ദേഹത്തെ വീണ്ടും ആശുപത്രിയിൽ അഡ്മിറ്റ് ചെയ്തിരിക്കുന്നത് എന്ന് ബ്രസീലിയൻ മാധ്യമങ്ങൾ റിപ്പോർട്ട് ചെയ്യുന്നു. പ്രായമായതിനാൽ ആരോഗ്യത്തിന് അതീവ ശ്രദ്ധ നൽകണം എന്നതിനാലാണ് അദ്ദേഹത്തെ തീവ്രപരിചരണ വിഭാഗത്തിൽ പ്രവേശിപ്പിച്ചതെന്നും അ​ദ്ദേഹത്തിന്റെ ആരോ​ഗ്യനില തൃപ്തികരമാണെന്നും ആശുപത്രി അധികൃതർ വ്യക്തമാക്കിയത്.