ഇന്‍ഡോര്‍: നാല് പന്തില്‍ കളി ജയിച്ച് മുംബൈയുടെ വനിതാ ടീം. വുമണ്‍ സീനിയര്‍ വണ്‍ ഡേയില്‍ നാഗാലാന്‍ഡ്-മുംബൈ മത്സരത്തിലാണ് സംഭവം.
വനിതാ ക്രിക്കറ്റിലെ കുഞ്ഞന്മാരായ നാഗാലാന്‍ഡ് 17.4 ഓവറില്‍ 17 റണ്‍സിനാണ് ഓള്‍ഔട്ടായത്. ആറ് നാഗാലാന്‍ഡ് താരങ്ങളാണ് പൂജ്യത്തിന് പുറത്തായത്. ഒരു നാഗാലാന്‍ഡ് താരത്തിന് പോലും സ്‌കോര്‍ രണ്ടക്കം കടത്താനായില്ല. 9 റണ്‍സ് നേടിയ സരിബയാണ് നാഗാലാന്‍ഡ് നിരയിലെ ടോപ് സ്‌കോറര്‍.
5 റണ്‍സ് മാത്രം വഴങ്ങി ഏഴ് വിക്കറ്റ് വീഴ്ത്തിയ മുംബൈ ക്യാപ്റ്റന്‍ സയാലി സത്ഗരെയാണ് നാഗാലാന്‍ഡിനെ തകര്‍ത്തിട്ടത്. 17 റണ്‍സ് ചെയ്‌സ് ചെയ്ത് ഇറങ്ങിയ മുംബൈക്ക് വിജയ ലക്ഷ്യം മറികടക്കാന്‍ വേണ്ടി വന്നത് 4 പന്തുകള്‍ മാത്രം. നാല് പന്തില്‍ മുംബൈ സ്‌കോര്‍ 20ലേക്ക് എത്തി. മൂന്ന് ബൗണ്ടറിയും ഒരു സിക്‌സും പറത്തിയായിരുന്നു മുംബൈയുടെ ചെയ്‌സ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates