ന്യൂഡല്‍ഹി: ആദര്‍ശ് നഗറിലെ സര്‍ക്കാര്‍ സ്‌കൂളിന് ടോക്യോ ഒളിംപിക്‌സിലെ ഇന്ത്യയുടെ വെള്ളി മെഡല്‍ ജേതാവ് രവി ദഹിയയുടെ പേര്. ഡല്‍ഹി സര്‍ക്കാരിന്റേതാണ് പ്രഖ്യാപനം.
രവി ദഹിയ പഠിച്ച വിദ്യാലയമാണ് ഇത്. രവി ദഹിയ ബാല്‍ വിദ്യാലയ എന്നാവും ഇനി സ്‌കൂള്‍ അറിയപ്പെടുക. കഠിനാധ്വാനത്തിലൂടെ ഡല്‍ഹിയിലെ സര്‍ക്കാര്‍ വിദ്യാലയത്തില്‍ പഠിച്ച വിദ്യാര്‍ഥി ഇപ്പോള്‍ രാജ്യത്തിന്റെ യൂത്ത് ഐക്കണായി മാറിയിരിക്കുന്നതായി ഡല്‍ഹി ഉപമുഖ്യമന്ത്രി മനീഷ് സിസോദിയ പറഞ്ഞു.
സാമ്പത്തിക സഹായങ്ങളിലൂടെ ദഹിയയെ ഒളിംപിക് മെഡലിലേക്ക് എത്താന്‍ ഡല്‍ഹി സര്‍ക്കാര്‍ സഹായിച്ചിരുന്നതായും അദ്ദേഹം പറഞ്ഞു. സ്‌കൂളില്‍ രവി ദഹിയക്ക് സ്വീകരണം ഒരുക്കിയ ചടങ്ങിലാണ് പേര് മാറ്റം സര്‍ക്കാര്‍ പ്രഖ്യാപിച്ചത്.
57 കിലോ ഫ്രീസ്റ്റൈല്‍ ഫൈനലില്‍ റഷ്യന്‍ ഒളിംപിക് കമ്മറ്റിയുടെ ഉഗ്വേവിനോട് തോറ്റതോടെയാണ് രവി ദഹിയക്ക് സ്വര്‍ണം നഷ്ടമായത്. വെള്ളി നേടിയതോടെ ഒളിംപിക്‌സില്‍ സുശീല്‍ കുമാറിന് ശേഷം വെള്ളി നേടുന്ന ആദ്യ ഗുസ്തി താരവുമായി രവി ദഹിയ.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates