അബുദാബി: പ്ലേ ഓഫിലെത്താന്‍ നിര്‍ണായകമായ മത്സരത്തില്‍ രാജസ്ഥാന്‍ റോയല്‍സിനെ 90 റണ്‍സില്‍ ഒതുക്കില്‍ മുംബൈ ഇന്ത്യന്‍സ്. നിശ്ചിത ഓവറില്‍ 9 വിക്കറ്റ് നഷ്ടത്തിലാണ് രാജസ്ഥന്‍ 90 റണ്‍സെടുത്തത്. ടോസ് നേടിയ മുംബൈ ഇന്ത്യന്‍ നായകന്‍ രോഹിത് ശര്‍മ രാജസ്ഥാനെ ബാറ്റിങ്ങിന് അയക്കുകയായിരുന്നു. രാജസ്ഥാന്‍ ബാറ്റിങ് നിരയില്‍ നാല് പേര്‍ മാത്രമാണ് രണ്ടക്കം കടന്നത്.
കഴിഞ്ഞ മത്സരത്തില്‍ അര്‍ധസെഞ്ചുറി നേടിയ ഓപ്പണര്‍ യശ്വസി ജയ്‌സ്വാള്‍ 12, എവിന്‍ ലൂയിസ് 24, ഡേവിഡ് മില്ലര്‍ 15, രാഹുല്‍ തെവാത്തിയ 12 എന്നിവരാണ് ഇവര്‍. സഞ്ജു മൂന്ന് റണ്‍സ് മാത്രമാണ് നേടിയത്. ഗ്ലെന്‍ ഫിലിപ്‌സ് 4, ചേതന്‍ സകരിയ 6, മുസ്തഫിസുര്‍ റഹ്മാന്‍ 8 റണ്‍സും നേടി. എന്നിങ്ങനെയാണ് മറ്റു ബാറ്റര്‍മാരുടെ സ്‌കോറുകള്‍.
മുംബൈയ്ക്കായി നേഥന്‍ കൂള്‍ട്ടര്‍നൈല്‍ നാല് വിക്കറ്റ് വീഴ്ത്തി. നാല് ഓവറില്‍ 14 റണ്‍സ് മാത്രം വിട്ടുകൊടുത്താണ് കോള്‍ട്ടര്‍നൈലിന്റെ പ്രകടനം. ജെയിംസ് നീഷം മൂന്നും ജസ്പ്രീത് ബുമ്ര രണ്ടും വിക്കറ്റ് വീഴ്ത്തി.
ബാറ്റിങ് ആരംഭിച്ച മുംബൈ ഇന്ത്യന്‍സ് അദ്യ അഞ്ച് ഓവറില്‍ അന്‍പത് കടന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates