കൊളംബോ: ഏഷ്യാ കപ്പ് കിരീട നേട്ടത്തിന് പിന്നാലെ ടി20 ലോകകപ്പിനുള്ള ടീമിനെ പ്രഖ്യാപിച്ച് ശ്രീലങ്ക. 15 അംഗ ടീമില്‍ ദുഷ്മന്ത ചമീരയെയും ലഹിരു കുമാരയെയും ശ്രീലങ്ക ഉള്‍പ്പെടുത്തിയിട്ടുണ്ട്. എന്നാല്‍ ഇവര്‍ ഫിറ്റ്‌നസ് വീണ്ടെടുത്തു എങ്കില്‍ മാത്രമെ അന്തിമ സ്‌ക്വാഡില്‍ ഉണ്ടാകൂ എന്ന് ശ്രീലങ്ക അറിയിച്ചു.
ദിനേഷ് ചാന്‍ഡിമല്‍ അടക്കമുള്ള താരങ്ങളെ സ്റ്റാന്‍ഡ് ബൈ ആയാണ് ടീമില്‍ ഉള്‍പ്പെടുത്തിയത്. അതേസമയം സ്റ്റാന്‍ഡ് ബൈ താരങ്ങളായി അഷെന്‍ ബന്‍ഡാര, പ്രവീണ്‍ ജയ വിക്രമ എന്നിവരായിരിക്കും ഓസ്‌ട്രേലിയയിലേക്ക് പോകുക.
ഏഷ്യാ കപ്പ് കളിച്ച താരങ്ങളില്‍ മിക്കവരും ടീമിലുണ്ട്. മതീഷ പതിരന, നുവാന്‍ തുഷാര, അസിത ഫെര്‍ണാണ്ടോ എന്നിവര്‍ ഏഷ്യാ കപ്പ് ടീമിലുണ്ടായിരുന്നു. എന്നാല്‍ ഇവരെ ലോകകപ്പിന് പരിഗണിച്ചില്ല.
ഏഷ്യാ കപ്പിലെ കിരീട നേട്ടം ലോകകപ്പില്‍ തുണയാകുമെന്ന പ്രതീക്ഷയിലാണ് ശ്രീലങ്ക. ഫൈനലില്‍ പാകിസ്ഥാനെ തോല്‍പ്പിച്ചാണ് ശ്രീലങ്ക ഏഷ്യാ കപ്പില്‍ കിരീടം സ്വന്തമാക്കിയത്.
ഈ വാർത്ത കൂടി വായിക്കൂ
സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates