ബ്രിഡ്ജ്ടൗണ്‍: ഒടുവില്‍ കോഹ്‌ലി രണ്ടക്കം കടന്നു. ടി20 ലോകകപ്പില്‍ ഫോമിലേക്ക് മടങ്ങിയെത്തുന്നതിന്റെ സൂചനകളുമായി കോഹ്‌ലിയുടെ ബാറ്റിങ്. അഫ്ഗാനിസ്ഥാനെതിരെ ഒരു സിക്‌സ് സഹിതം താരം 24 പന്തില്‍ 24 റണ്‍സെടുത്തു മടങ്ങി.
പത്തോവര്‍ പിന്നിടുമ്പോള്‍ ഇന്ത്യ നാല് വിക്കറ്റ് നഷ്ടത്തില്‍ 115 റണ്‍സെന്ന നിലയില്‍. ക്യാപ്റ്റന്‍ രോഹിത് ശര്‍മ എട്ട് റണ്‍സുമായി മടങ്ങി.
ഋഷഭ് പന്ത് നാല് ഫോറുകള്‍ സഹിതം 20 റണ്‍സുമായി ഫോമിലേക്ക് ഉയരവെ പുറത്തായി. ശിവം ദുബെ നിരാശപ്പെടുത്തി. താരം 10 റണ്‍സില്‍ മടങ്ങി.
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
നിലവില്‍ ഒരു സിക്‌സും 4 ഫോറുകളും സഹിതം 17 പന്തില്‍ 34 റണ്‍സുമായി സൂര്യകുമാര്‍ യാദവ് ക്രീസില്‍. ഒപ്പം ഹര്‍ദിക് പാണ്ഡ്യയും (11).
അഫ്ഗാന്‍ നായകന്‍ റാഷിദ് ഖാന്റെ ബൗളിങാണ് ഇന്ത്യന്‍ ബാറ്റര്‍മാരെ കുഴക്കിയത്. മൂന്നോവറില്‍ 21 റണ്‍സ് വഴങ്ങി താരം മൂന്ന് വിക്കറ്റുകള്‍ സ്വന്താക്കി. ഫസര്‍ഹഖ് ഫാറൂഖിയാണ് മറ്റൊരു വിക്കറ്റ് നേട്ടക്കാരന്‍.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates