റായ്പൂര്: സച്ചിനും, യുവരാജും നിറഞ്ഞാടിയപ്പോള് വിന്ഡിസ് ലെജന്ഡ്സിനെ തോല്പ്പിച്ച് റോഡ് സേഫ്റ്റി ടി20 പരമ്പരയുടെ സെമിയില് കടന്ന് ഇന്ത്യന് ലെജന്ഡ്സ്. ബാറ്റിങ് വെടിക്കെട്ട് തീര്ത്ത് ഇന്ത്യന് സിംഹങ്ങള് മുന്പില് വെച്ച 218 റണ്സ് പിന്തുടര്ന്ന ലാറയ്ക്കും കൂട്ടര്ക്കും 206 റണ്സ് കണ്ടെത്താനെ കഴിഞ്ഞുള്ളു.
12 റണ്സിനായിരുന്നു ഇന്ത്യന് ലെജന്ഡ്സിന്റെ ജയം. 17 പന്തില് നിന്ന് 5 ഫോറും, ആറ് സിക്സും പറത്തി സെവാഗ് 35 റണ്സ് നേടി. സച്ചിന് 42 പന്തില് നിന്ന് ആറ് ഫോറും മൂന്ന് സിക്സും പറത്തി നേടിയത് 65 റണ്സ്. പിന്നാലെ വെടിക്കെട്ട് തുടര്ന്ന് യുവരാജ് സിങ്ങും, യൂസഫ് പഠാനുമെത്തി.
തുടരെ മൂന്ന് സിക്സുകളാണ് ഇത്തവണ യുവിയുടെ ബാറ്റില് നിന്ന് വന്നത്. 20 പന്തില് ഒരു ഫോറും ആറ് സിക്സും പറത്തി 49 റണ്സോടെ യുവി പുറത്താവാതെ നിന്നു. 245 ആണ് സ്ട്രൈക്ക്റേറ്റ്. മറുപടി ബാറ്റിങ്ങിന് ഇറങ്ങിയ വിന്ഡിസ് ലെജന്ഡ്സിനായി ഡ്വെയ്ന് സ്മിത്തും, ഡിയോനരെയ്നും, ലാറയുമാണ് പൊരുതിയത്.
ഡ്വെയ്ന് സ്മിത്ത് 36 പന്തില് നിന്ന് 9 ഫോറിന്റേയും രണ്ട് സിക്സിന്റേയും അകമ്പടിയോടെ 63 റണ്സ് നേടി. ഡിയോനരെയ്ന് 44 പന്തില് നിന്ന് 59 റണ്സ് നേടി. ലാറ 28 പന്തില് നിന്നാണ് നാല് ഫോറും രണ്ട് സിക്സും പറത്തി 46 റണ്സ് നേടിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates