ഗബ്ബ: ട്വന്റി20 ലോകകപ്പിലെ സന്നാഹ മത്സരത്തില്‍ ഇന്ത്യക്കെതിരെ ടോസ് ഓസ്‌ട്രേലിയക്ക്. ടോസ് നേടിയ ഓസ്‌ട്രേലിയ ഇന്ത്യയെ ബാറ്റിങ്ങിന് അയച്ചു. ഇന്ത്യയുടെ വെസ്റ്റേണ്‍ ഓസ്‌ട്രേലിയക്ക് എതിരായ പരിശീലന മത്സരത്തില്‍ ബാറ്റ് ചെയ്യാതിരുന്ന വിരാട് കോഹ്‌ലി പ്ലേയിങ് ഇലവനിലേക്ക് തിരിച്ചെത്തി. 

ദിവസങ്ങള്‍ക്ക് മുന്‍പ് പെര്‍ത്തില്‍ എത്തിയത് സാഹചര്യങ്ങളോട് ഇണങ്ങാന്‍ തങങ്ങളെ സഹായിച്ചതായും ടീം നല്ല നിലയിലാണ് ഇപ്പോഴെന്നും ക്യാപ്റ്റന്‍ രോഹിത് ശര്‍മ പറഞ്ഞു. ഡേവിഡ് വാര്‍ണര്‍, മാത്യു വെയ്ഡ്, ഹെയ്‌സല്‍വുഡ്, ആദം സാംപ എന്നീ ഫോമില്‍  നില്‍ക്കുന്ന താരങ്ങള്‍ ഇന്ന് സന്നാഹ മത്സരം കളിക്കുന്നില്ലെന്ന് ഓസ്‌ട്രേലിയന്‍ ക്യാപ്റ്റന്‍ ആദം സാംപ പറഞ്ഞു. 

രണ്ടാം പരിശീലന മത്സരത്തില്‍ വെസ്റ്റേണ്‍ ഓസ്‌ട്രേലിയയോട് ഇന്ത്യ തോറ്റിരുന്നു. കെ എല്‍ രാഹുലാണ് ഈ മത്സരത്തില്‍ ഇന്ത്യയെ നയിച്ചത്. ന്യൂസിലന്‍ഡിന് എതിരെയാണ് ഇന്ത്യയുടെ രണ്ടാം സന്നാഹ മത്സരം. ലോകകപ്പ് സൂപ്പര്‍ 12ലെ ഇന്ത്യയുടെ ആദ്യ മത്സരം പാകിസ്ഥാന് എതിരെ ഒക്ടോബര്‍ 28ന്. 

ഈ വാർത്ത കൂടി വായിക്കൂ

"തെക്കും വടക്കും ഒന്നാണ്"; ചിത്രം പങ്കുവെച്ച് ആര്യാ രാജേന്ദ്രൻ 

സമകാലിക മലയാളം ഇപ്പോൾ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാർത്തകൾ അറിയാൻ ക്ലിക്ക് ചെയ്യൂ