ക്രീസിലുള്ള സച്ചിന്‍ എന്നും ആരാധകര്‍ക്ക് ആവേശമായിരുന്നു. ഗ്യാലറിയില്‍ നിന്നും സച്ചിന്‍ സച്ചിന്‍ എന്ന ആരവും ഇല്ലാതായെങ്കിലും ആരാധകര്‍ക്ക് ആവേശമായാണ് സച്ചിന്‍ എ ബില്യണ്‍ ഡ്രീംസ് തീയറ്ററുകളിലെത്തുന്നത്. 

മാസ്റ്റര്‍ ബ്ലാസ്റ്ററുടെ ജീവിതം പറയുന്ന സിനിമയുടെ ട്രെയിലറിന് പിന്നാലെയെത്തിയ 'സച്ചിന്‍ ആന്തവും' ആവേശത്തോടെ സ്വീകരിക്കുകയാണ് ആരാധകര്‍. എ.ആര്‍.റഹ്മാനാണ് സച്ചിന്‍ സച്ചിന്‍ വിളികള്‍ മുഴങ്ങുന്ന പാട്ട് ആവേശമൊട്ടം ചോരാതെ ആരാധകര്‍ക്കായി തയ്യാറാക്കിയത്. 

അമ്മയായിരുന്നു ആദ്യമായി സച്ചിന്‍ സച്ചിന്‍ എന്ന ആരവുമായെത്തിയതെന്ന് സിനിമയിലെ ആദ്യ ഗാനം പുറത്തുവിട്ടുള്ള ചടങ്ങില്‍ സച്ചിന്‍ പറഞ്ഞു. ക്രിക്കറ്റ് ജീവിതം അവസാനിച്ചതിന് ശേഷവും സച്ചിന്‍ സച്ചിന്‍ എന്ന ആരവും തന്നെ പിന്തുടരുമെന്ന് കരുതിയിരുന്നില്ലെന്നും സച്ചിന്‍ പറയുന്നു. എവിടെ പോയാലും സച്ചിന്‍ സച്ചിന്‍ എന്ന് വിളിച്ചാണ് ആരാധകര്‍ സ്വീകരിക്കുന്നത്. ഇപ്പോള്‍ ഈ സച്ചിന്‍ സച്ചിന്‍ ആരവും തീയറ്ററിലേക്കുമെത്തുകയാണെന്നും സച്ചിന്‍ പറയുന്നു.