ആന്റിഗ്വ: ഐപിഎല്ലില്‍ മാരക ഫോമില്‍ കളിക്കുന്ന കൊല്‍ക്കത്ത നൈറ്റ്‌റൈഡേഴ്‌സ് താരം ആന്ദ്രെ റസ്സല്‍ വെസ്റ്റിന്‍ഡീസിന്റെ ലോകകപ്പ് ടീമില്‍. റസ്സലിനൊപ്പം വെറ്ററന്‍ ഓപണര്‍ ക്രിസ് ഗെയ്‌ലും ടീമില്‍ ഇടം കണ്ടെത്തി. 15 സംഘത്തെയാണ് സെലക്ടര്‍മാര്‍ തിരഞ്ഞെടുത്തത്.
അതേസമയം കെയ്‌റോണ്‍ പൊള്ളാര്‍ഡിനെ ടീമിലേക്ക് പരിഗണിച്ചില്ല എന്നത് ശ്രദ്ധേയമായി. പൊള്ളാര്‍ഡിനൊപ്പം മര്‍ലോണ്‍ സാമുവല്‍സിനും ടീമില്‍ ഇടം കണ്ടെത്താന്‍ സാധിക്കാതെ പോയി.
2015ന് ശേഷം ദേശീയ ടീമിനായി ഒരു ഏകദിനത്തില്‍ മാത്രമാണ് റസ്സല്‍ കളിച്ചിട്ടുള്ളത്. ഐപിഎല്ലില്‍ നിലവില്‍ മാരക ഫോമിലുള്ളതാണ് റസ്സലിനെ തുണച്ചത് എന്നത് വ്യക്തം. രണ്ട് വര്‍ഷത്തെ ഇടവേളയ്ക്ക് ശേഷം ഫാസ്റ്റ് ബൗളര്‍ ഷാന്നോന്‍ ഗബ്രിയേല്‍ ടീമില്‍ ഇടം കണ്ടെത്തി. ജാസന്‍ ഹോള്‍ഡറാണ് ടീമിന്റെ ക്യാപ്റ്റന്‍.
ടീം: ജാസന്‍ ഹോള്‍ഡര്‍ (ക്യാപ്റ്റന്‍), ക്രിസ് ഗെയ്ല്‍, ആന്ദ്രെ റസ്സല്‍, ഡാരന്‍ ബ്രാവോ, കാര്‍ലോസ് ബ്രാത്‌വയ്റ്റ്, ഫാബിയന്‍ അല്ലന്‍, ഷെല്‍ഡോണ്‍ കോട്രോള്‍, ഷാനോന്‍ ഗബ്രിയേല്‍, ഷിംറോണ്‍ ഹെറ്റ്‌മേയര്‍, ഷായ് ഹോപ്, എവിന്‍ ലൂയീസ്, ആഷ്‌ലി നഴ്‌സ്, നിക്കോളാസ് പൂരന്‍, കെമര്‍ റോച്ച്, ഒഷാനെ തോമസ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates