കൊൽക്കത്ത: ഐ ലീ​ഗ് ഫുട്ബോൾ പോരാട്ടത്തിൽ മോഹൻ ബ​ഗാന് കിരീടം. ഐസ്വാൾ എഫ്സിയെ മറുപടിയില്ലാത്ത ഒരു ​ഗോളിന് കീഴടക്കിയ ബ​ഗാൻ നാല് മാത്സരങ്ങൾ ബാക്കി നിൽക്കെയാണ് കിരീടം പിടിച്ചെടുത്തത്. അടുത്ത സീസണില്‍ ഐഎസ്എല്‍ ക്ലബ് എടികെയുമായി ലയിക്കാനൊരുങ്ങന്ന മോഹന്‍ ബഗാന് ഐ ലീഗില്‍ കിരീടത്തോടെ പടിയിറക്കം.  

ഐസ്വാളിനെതിരായ മത്സരത്തിന്റെ 80ാം മിനുട്ടിലാണ് ബഗാന്റെ വിജയ ഗോള്‍ വന്നത്. തുടര്‍ച്ചയായ എട്ടാം മത്സരത്തിലും ഗോള്‍ കണ്ടെത്തിയ ബാബ ദിവാരയാണ് ബഗാന്റെ വിജയശില്‍പ്പി.

16 മത്സരങ്ങളില്‍ 12 വിജയത്തോടെ 39 പോയിന്റുമായി ബഗാന്‍ ലീഗില്‍ അപരാജിത ലീഡെടുത്തു. രണ്ടാമതുള്ള ഈസ്റ്റ് ബംഗാള്‍ 23 പോയിന്റുമായി ഏറെ പിന്നിലായതോടെയാണ് നാല് മത്സരം ശേഷിക്കെ ബഗാന്റെ കിരീടധാരണം. ഐ ലീഗില്‍ മോഹന്‍ ബഗാന്റെ രണ്ടാം കിരീടമാണിത്. നേരത്തെ 2014- 15 സീസണില്‍ ബഗാന്‍ ചാമ്പ്യന്‍മാരായിരുന്നു.