കോഹ്‌ ലി ഇന്‍സ്‌റ്റാ ലൈവിലെത്തുമ്പോള്‍ അനുഷ്‌കയുടെ സാന്നിധ്യമില്ലാതെ അതൊന്നും അവസാനിക്കാറില്ല. കമന്റായി വന്നാണ്‌ ആദ്യം അനുഷ്‌ക ലൈവിനിടയിലേക്ക്‌ കയറിയത്‌ എങ്കില്‍ ഇത്തവണ കോഹ്‌ ലിക്ക്‌ സഹായവുമായാണ്‌ എത്തുന്നത്. ഓരോ തവണയും ആരാധകരെ കയ്യിലെടുത്താണ്‌ കോഹ്‌ ലിയും അനുഷ്‌കയും കളം വിടുന്നത്‌.
ഡിവില്ലിയേഴ്‌സുമായുള്ള ലൈവിന്‌ ഇടയില്‍ കോഹ്‌ ലിക്ക്‌ ലൈറ്റ്‌ ഇട്ട്‌ കൊടുത്തായിരുന്നു അനുഷ്‌കയുടെ വരവ്‌. ലൈവിന്‌ ഇടയിലാണെങ്കിലും ആ സമയം പ്രിയതമയ്‌ക്ക്‌ നന്ദി പറഞ്ഞ്‌ കോഹ്‌ ലി ആരാധകരുടെ കയ്യടി നേടുന്നു. ഇതിന്റെ വീഡിയോ സമൂഹമാധ്യമങ്ങള്‍ വൈറലായി.
കോവിഡ്‌ 19നെ തുടര്‍ന്ന്‌ ഏര്‍പ്പെടുത്തിയ നിയന്ത്രണങ്ങളുടെ പേരില്‍ ബുദ്ധിമുട്ട്‌ അനുഭവിക്കുന്നവരെ സഹായിക്കുമെന്ന്‌ ഡിവില്ലിയേഴ്‌സും കോഹ്‌ ലിയും ലൈവില്‍ പറഞ്ഞു. 2016 ഐപിഎല്ലിലെ തങ്ങളുടെ ഗ്രീന്‍ ഡേ മാച്ചിന്‌ അണിഞ്ഞ കിറ്റ്‌ ലേലത്തില്‍ വെക്കുമെന്നാണ്‌ കോഹ്‌ ലിയും ഡിവില്ലിയേഴ്‌സും പ്രഖ്യാപിച്ചത്‌. ഇതില്‍ നിന്ന്‌ ലഭിക്കുന്ന തുക പാവപ്പെട്ടവര്‍ക്ക്‌ ഭക്ഷണം നല്‍കുന്നതിനായി ഉപയോഗിക്കും.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates