സിഡ്നി: ഇന്ത്യന് പ്രണയ കഥയുടെ പട്ടികയിലേക്ക് മറ്റൊരു ക്രിക്കറ്റ് താരം കൂടി. ഓസ്ട്രേലിയയുടെ വെടിക്കെട്ട് ബാറ്റ്സ്മാന് ഗ്ലെന് മാക്സ്വെല്ലാണ് ഇന്ത്യന് സുന്ദരിയെ മിന്നുകെട്ടാന് ഒരുങ്ങുന്നത്. മെല്ബണില് സ്ഥിര താമസമാക്കിയ വിനി രാമന് എന്ന ഇന്ത്യക്കാരിയാണ് കളത്തിന് പുറത്ത് മാക്സ്വെല്ലിന്റെ ഹൃദയം കീഴടക്കിയിരിക്കുന്നത്.
ഇരുവരും കഴിഞ്ഞ രണ്ട് വര്ഷത്തിലധികമായി പ്രണയത്തിലാണെന്നും വിവാഹം ഉടനുണ്ടാകുമെന്നും ഓസ്ട്രേലിയന് മാധ്യമങ്ങള് റിപ്പോര്ട്ട് ചെയ്തു. ഇരുവരും ഒരുമിച്ചുള്ള ഫോട്ടോ വിനി ഷെയര് ചെയ്തതോടെയാണ് പ്രണയ വാര്ത്ത പുറം ലോകമറിഞ്ഞത്. എന്നാല്, വിവാഹവാര്ത്ത ഇരുവരും സ്ഥിരീകരിച്ചിട്ടില്ല.
സോഷ്യല് മീഡിയ അക്കൗണ്ടുകളില് ഇരുവരും ഒരുമിച്ചുള്ള ചിത്രങ്ങള് നിരവധിയാണ്. പാക് താരങ്ങളായ ഷൊയ്ബ് മാലിക്, ഹസന് അലി, ശ്രീലങ്കന് താരം മുത്തയ്യ മുരളീധരന്, ഓസീസ് താരം ഷോണ് ടെയ്റ്റ്, ന്യൂസീലന്ഡ് താരം ഗ്ലെന് ടേണര് എന്നിവരെല്ലാം ഇന്ത്യക്കാരികളെയാണ് ജീവിത പങ്കാളികളാക്കിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates