ന്യൂഡല്ഹി : ലോക ബോക്സിംഗ് ചാമ്പ്യന്ഷിപ്പില് ഇന്ത്യയുടെ മേരികോമിന് ചരിത്ര നേട്ടം. റെക്കോഡോടെയാണ് മേരികോം സ്വര്ണം നേടിയത്. ഇതോടെ ലോകചാമ്പ്യന്ഷിപ്പില് ആറാം സ്വര്ണം നേടുന്ന വനിതാ താരമെന്ന റെക്കോഡും മേരികോം സ്വന്തമാക്കി.
വനിതകളുടെ 48 കിലോ വിഭാഗത്തിലാണ് മേരികോം സ്വര്ണം നേടിയത്. ഫൈനലില് ഉക്രൈന് താരം ഹന്ന ഓക്കോട്ടയെയാണ് മേരികോം കീഴടക്കിയത്. അഞ്ചു സ്വര്ണം നേടിയ അയര്ലന്ഡിന്റെ കാത്തി ടെയ് ലറുടെ റെക്കോഡാണ് മണിപ്പൂര് താരം മറികടന്നത്.
വിജയത്തോടെ ക്യൂബന് ബോക്സിംഗ് ഇതിഹാസം ഫെലിക്സ് സാവന്റെ റെക്കോഡിനൊപ്പമെത്തി മേരികോം. ബോക്സിംഗ് കരിയറില് ലോക ചാമ്പ്യന്ഷിപ്പുകളില് ആറ് സ്വര്ണമെഡലും ഒരു വെള്ളിമെഡലുമാണ് സാവന് നേടിയിട്ടുള്ളത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates