ഒഡെന്‍സ : ഡെന്‍മാര്‍ക്ക് ഓപ്പണ്‍ സൂപ്പര്‍ സീരീസില്‍ ഇന്ത്യന്‍ താരം കിഡംബി ശ്രീകാന്ത് ഫൈനലില്‍ കടന്നു. സെമിയില്‍ ഹോങ്കോങിന്റെ വോങ് വിങ് കി വിന്‍സെന്റിനെയാണ് ശ്രീകാന്ത് തോല്‍പ്പിച്ചത്. സ്‌കോര്‍ 21-18,21- 17.  

തുടക്കം മുതല്‍ ആത്മവിശ്വാസത്തോടെ കളിച്ച ശ്രീകാന്ത് രണ്ടു സെറ്റുകളും സ്വന്തമാക്കുകയായിരുന്നു. ഫൈനലില്‍ കൊറിയയുടെ ലി ഹ്യുന്‍ ഇല്ലിനെയാണ് ശ്രീകാന്ത് നേരിടുക. 

മത്സരത്തിലെ ഇനിയുള്ള ഏക ഇന്ത്യന്‍ താരമാണ് ശ്രീകാന്ത്. എച്ച്.എസ്.പ്രണോയിയും സൈന നെഹ്വാളും കഴിഞ്ഞ ദിവസം ടൂര്‍ണമെന്റില്‍ നിന്നു പുറത്തായിരുന്നു.