ദിവസങ്ങള്‍ക്ക് മുന്‍പ് കായിക മന്ത്രി രാജ്യവര്‍ദ്ധന്‍ സിങ് റാത്തോഡ് തുടങ്ങിവെച്ച ഫിറ്റ്‌നസ് ചലഞ്ചിന്റെ അലയൊലികള്‍ സമൂഹമാധ്യമങ്ങളില്‍ ഇപ്പോഴും അവസാനിച്ചിട്ടില്ല. തറ തുടച്ച് ഇഷാ തല്‍വാര്‍ ഫിറ്റ്‌നസ് ചലഞ്ചിന്റെ ഭാഗമായപ്പോള്‍ തന്റെ ഫിറ്റ്‌നസ് നിലനിര്‍ത്തുന്ന വഴി പറയുകയാണ് ക്രിക്കറ്റ് താരം റിഷഭ് പന്ത്. 

കോഹ് ലി, റെയ്‌ന, സൈന നെഹ്വാള്‍, അനുഷ്‌കാ ശര്‍മാ എന്നിവര്‍ തങ്ങളുടെ ജിമ്മിലെ വര്‍ക്ക്ഔട്ട് വീഡിയോയുമായി എത്തിയപ്പോള്‍ റിഷഭ് വ്യത്യസ്തമായിട്ടാണ് ചലഞ്ചിന്റെ ഭാഗമാകുന്നത്. മല കയറുന്ന വീഡിയോയാണ് റിഷഭ് ചലഞ്ചിന്റെ ഭാഗമായി പങ്കുവയ്ക്കുന്നത്. 

മറ്റെല്ലാവരും പോസ്റ്റ് ചെയ്ത വീഡിയോയില്‍ നിന്നും വ്യത്യസ്തമാണ് എന്റേത്. പക്ഷേ ഇത് ഫിറ്റ്‌നസ് നിലനിര്‍ത്തുന്നതിന് എന്നെ സഹായിക്കുന്നു എന്നും റിഷഭ് പറയുന്നു.