ലാ ലീഗ ക്ലബ് റയല് വല്ലാഡോലിഡിന്റെ ഉടമയാവാന് ബ്രസീലിയന് ഇതിഹാസ താരം റൊണാള്ഡോ. ഈ സീസണില് സെക്കന്ഡ് ഡിവിഷനില് നിന്നും ലാ ലീഗയിലേക്ക് സ്ഥാനക്കയറ്റം കിട്ടിയ റയല് വല്ലാഡോലിഡിന്റെ ഭൂരിഭാഗം ഷെയറുകളും റൊണാള്ഡോവിന്റെ കൈകളിലേക്ക് എത്തുന്നുവെന്നാണ് റിപ്പോര്ട്ട്.
സ്പാനിഷ് മാധ്യമമയാ മാര്സയിലെ റിപ്പോര്ട്ട് പ്രകാരം വല്ലാഡോലിഡിനെ ഏറ്റെടുക്കാന് 30 മില്യണ് യൂറോയാണ് വേണ്ടി വരിക. നാല് വര്ഷത്തിന് ശേഷം ലാ ലീഗയിലേക്കുള്ള തിരിച്ചു വരവില് ജിറോണയിലെ സമനിലയില് തളച്ച വല്ലഡോലിഡ്, ബാഴ്സയ്ക്കെതിരെ ഒരു ഗോളിന് പരാജയപ്പെട്ടു.
ബാഴ്സലോണയ്ക്കും റയലിനും വേണ്ടി ലാ ലീഗയില് കളിച്ച താരമാണ് റൊണാള്ഡോ. സ്പാനിഷ് ഫുട്ബോളിനോടുള്ള അടുപ്പമാണ് വല്ലാഡോലിഡിലേക്ക് റൊണാള്ഡോയെ ഇപ്പോള് എത്തിച്ചിരിക്കുന്നത്.
നിലവില് സാമ്പത്തിക ബുദ്ധിമുട്ട് നേരിടുകയാണ് ക്ലബ്. മെക്സിക്കന് ബിസിനസ് വമ്പന് ക്ലബ് ഏറ്റെടുക്കാന് നേരത്തെ മുന്നോട്ടു വന്നുവെങ്കിലും ക്ലബിലെ ഓഹറി ഉടമകളുടെ എതിര്പ്പിനെ തുടര്ന്ന് പിന്വാങ്ങുകയായിരുന്നു. ക്ലബിലെ മറ്റ് ഓഹരി ഉടമകളുടെ പിന്തുണ റൊണാള്ഡോയ്ക്കുണ്ട്. രണ്ട് മൂന്ന് ആഴ്ചയ്ക്കുള്ളില് റൊണാള്ഡോ വല്ലാഡോലിഡിന്റെ തലപ്പത്തേക്ക് എത്തുമെന്നാണ് സൂചന.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates