തിരുവനന്തപുരം:കേരളത്തിന്റെ രജ്ഞി ക്രിക്കറ്റ് ടീമിനെ മുന്‍ ഓസിസ് താരം ഡേവ് വാട്‌മോര്‍ പരിശീലിപ്പിക്കും. വാട്‌മോറിന്റെ ശിക്ഷണത്തിലായിരുന്നു ശ്രീലങ്ക ലോകകപ്പ് കിരീടം നേടിയത്. ചരിത്രത്തിലാദ്യമായാണ് കേരളത്തിന്റെ പരിശീലകനായി ഒരു വിദേശി താരമെത്തുന്നത്. ഈമാസം 22ന് വാട്‌മോറുമായി കേരള ക്രിക്കറ്റ് അസോസിയേഷന്‍ കരാര്‍ ഒപ്പിടും.
മുന്‍ ഇന്ത്യന്‍ താരം ടിനു യോഹാന്നാനാണ് കേരള ടീമിന്റെ പരിശീലകന്‍. ടിനുവിന്റെ നേതൃത്വത്തില്‍ കാര്യമായ മുന്നേറ്റങ്ങല്‍ ടീമിന് ഉണ്ടാക്കാനായിരുന്നില്ല. ഈ സാഹചര്യത്തിലാണ് പുതിയ പരിശീലകനെ തേടിയത്
ശ്രീലങ്കയ്ക്ക് പുറമെ ബംഗ്ലാദേശിനെയും പാക്കിസ്ഥാനെയും സിംബാവെ ടീമുകളെയും വാട്‌മോര്‍ പരിശീലിപ്പിച്ചിരുന്നു. പാക്കിസ്ഥാന്റെ ഏഷ്യാ കപ്പ് കിരീടനേട്ടവും വാട്‌മോറിന്റെ പരിശീലനത്തിന് കീഴിലായിരുന്നു.