ചെന്നൈ : വെസ്റ്റിന്ഡീസിനെതിരായ ട്വന്റി-20 മല്സരത്തില് സമ്പൂര്ണ വിജയം ലക്ഷ്യമിട്ട് ഇന്ത്യന് ടീം ഇന്നിറങ്ങും. ചെന്നൈ ചിദംബരം സ്റ്റേഡിയത്തിലാണ് മല്സരം. രാത്രി ഏഴു മണിക്ക് മല്സരം ആരംഭിക്കും. ആദ്യ രണ്ട് മല്സരങ്ങളും ജയിച്ച് മൂന്നു മല്സര പരമ്പര നേടിയ ഇന്ത്യ ഇന്ന് റിസര്വ് താരങ്ങള്ക്ക് അവസരം നല്കും.
ഓസ്ട്രേലിയക്കെതിരായ ടൂര്ണമെന്റിന് മുന്നോടിയായി റിസര്വ് ബെഞ്ചിന്റെ ശക്തി പരിശോധിക്കാനാണ് ടീം മാനേജ്മെന്റിന്റെ തീരുമാനം. ഇതിന്റെ അടിസ്ഥാനത്തില് പേസര്മാരായ ഉമേഷ് യാദവ്, ജസ്പ്രീത് ബുംറ, സ്പിന്നര് കുല്ദീപ് യാദവ് എന്നിവര്ക്ക് വിശ്രമം നല്കിടിയ്യുണ്ട്. പേസ് ബൗളര് സിദ്ധാര്ത്ഥ് കൗളിനെ ടീമില് ഉള്പ്പെടുത്തിയിട്ടുണ്ട്.
ശ്രേയസ്സ് അയ്യര്, ഷഹബാസ് നദീം, വാഷിംഗ്ടണ് സുന്ദര് തുടങ്ങിയ താരങ്ങള് അവസരം കാത്ത് ടീമിലുണ്ട്. ഇവരില് മിക്കവരെയും അന്തിമ ഇലവനില് ഉള്പ്പെടുത്തിയേക്കുമെന്നാണ് സൂചന. നായകന് രോഹിത് ശര്മ്മയുടെ തകര്പ്പന് ഫോമും ഇന്ത്യയ്ക്ക് ആത്മവിശ്വാസം നല്കുന്നു.
അതേസമയം ആശ്വാസ ജയം നേടി സമ്പൂര്ണ തോല്വിയെന്ന നാണക്കേടില് നിന്നും രക്ഷപ്പെടുക എന്ന ലക്ഷ്യത്തോടെയാണ് വിന്ഡീസ് ഇന്നിറങ്ങുക ബാറ്റിംഗിലെ ദൗര്ബല്യമാണ് വിന്ഡീസിനെ വലയ്ക്കുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates