വാങ്കഡെയില്‍ ഒരിക്കല്‍ കൂടി കയ്യില്‍ ബാറ്റുമായി സച്ചിന്‍ ക്രീസിലേക്ക് എത്തിയപ്പോള്‍ ആര്‍ത്തലച്ച് കാണികള്‍. റോഡ് സേഫ്റ്റി വേള്‍ഡ് സീരീസിന് തുടക്കം കുറിച്ചുള്ള മത്സരത്തില്‍ ഗ്രൗണ്ടിലേക്ക് കളിക്കാന്‍ ഇറങ്ങിയത് മുതല്‍ സച്ചിന്‍...സച്ചിന്‍ വിളിയാണ് വാങ്കഡെയില്‍ ആരാധകരില്‍ നിന്നുയര്‍ന്നത്.
വെസ്റ്റ് ഇന്‍ഡീസ് ലെജന്‍ഡ്‌സായിരുന്നു ആദ്യം ബാറ്റ് ചെയ്തത്. സച്ചിന്‍ പന്ത് തൊടുമ്പോഴും, ഗ്രൗണ്ടിലെ വലിയ സ്‌ക്രീനില്‍ സച്ചിന്റെ മുഖം തെളിയുമ്പോഴുമെല്ലാം വലിയ ആരവം ഉയര്‍ത്തി പ്രിയ താരത്തോടുള്ള സ്‌നേഹം ഇപ്പോഴും പൊയ്‌പോയിട്ടില്ലെന്ന് വ്യക്തമാക്കി.
സച്ചിന്‍, സച്ചിന്‍ എന്ന ആരവം ശ്വാസം നിലക്കുന്നത് വരെ എന്റെ ചെവിയില്‍ മുഴങ്ങിക്കൊണ്ടിരിക്കുമെന്ന് 2013ലെ തന്റെ വിടവാങ്ങല്‍ പ്രസംഗത്തില്‍ സച്ചിന്‍ പറഞ്ഞിരുന്നു. സച്ചിന്റേയും ലോകത്തിന്റേയും ചെവിയിലേക്ക് അതേ ആരവും വീണ്ടുമെത്തി. ഏഴ് ബൗണ്ടറി കൂടി ആ ബാറ്റില്‍ നിന്ന് ഒഴുകിയതോടെ സച്ചിന്‍ ആരാധകരുടെ മനസ് നിറച്ചാണ് മടങ്ങിയത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates