മെല്ബണ്: ലോക ഫുട്ബോളിലെ രണ്ട് സൂപ്പര് ടീമുകള് ഏറ്റുമുട്ടുന്ന സൂപ്പര് ക്ലാസിക്കോയ്ക്ക് ഓസ്ട്രേലയയിലെ മെല്ബണ് ഒരുങ്ങി. ഇന്ത്യന് സമയം വൈകുന്നേരം 3.30നാണ് ബ്രസീല്-അര്ജന്റീന പോരാട്ടം. സൂപ്പര് താരം നെയ്മറില്ലാത്ത ബ്രസീലിനെ നേരിടാന് ലയണല് മെസ്സിയടക്കമുള്ള സൂപ്പര് താര നിരയുമായാണ് അര്ജന്റീന ഓസ്ട്രേലിയയില് എത്തിയിരിക്കുന്നത്.
പുതിയ പരിശീലകനായി സാംപോളിയെ നിയമിച്ച ശേഷമുള്ള ആദ്യ മത്സരം അര്ജന്റീനയുടെ ഭാവി കൂടി പ്രതിഫലിപ്പിക്കുന്നതാകും. ജയത്തോടെ തുടങ്ങിയാല് ആരാധകര്ക്ക് സമാധാനമാകും. സൗഹൃദ മത്സരമാണെങ്കിലും ബ്രസീല് പോലൊരു ടീമിനോട് ജയിക്കാനായാല് തങ്ങളുടെ ലോകക്കപ്പ് യോഗ്യതാ മത്സരങ്ങള്ക്ക് വലിയ ആത്മവിശ്വാസം നല്കും.
ഇരുടീമുകളും നേര്ക്കുനേര് വരുന്ന 108മത് മത്സരത്തിനാണ് മെല്ബണ് സ്റ്റേഡിയം സാക്ഷിയാവുക. ഇതില് തന്നെ 44 ജയങ്ങളുമായി ബ്രസീല് മുന്നിലാണ്. 38 ജയങ്ങളാണ് അര്ജന്റീനയ്ക്കുള്ളത്. ലോകക്കപ്പ് യോഗ്യതാ റൗണ്ടില് കഴിഞ്ഞ വര്ഷം നവംബറില് ഇരു ടീമുകളും നേര്ക്കുനേര് വന്നപ്പോള് എതിരില്ലാത്ത മൂന്നു ഗോളുകള്ക്കാണ് അര്ജന്റീന പരാജയപ്പെട്ടത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates