ഇഷാന്ത് ശര്മയുടെ ഇന്സൈഡ് എഡ്ജിലേക്കെത്തിയ ഡെലിവറിയില് ഡ്രൈവിന് ശ്രമിക്കുകയായിരുന്മു ആരോണ് ഫിഞ്ച്. പക്ഷേ ഫിഞ്ചിന്റെ കണക്കു കൂട്ടലുകള് പാടേ തെറ്റി. ഓസീസ് ഇന്നിങ്സിന്റെ ആദ്യ ഓവറില് തന്നെ ഫിഞ്ചിന്റെ കുറ്റി പറപ്പിച്ച് ഇഷാന്ത് ശര്മ ഇന്ത്യ ആഗ്രഹിച്ച തുടക്കം തന്നു.
പക്ഷേ ഇഷാന്ത് വിക്കറ്റ് വീഴ്ത്തിയപ്പോള് കമന്റേറ്റര്മാരുടെ ഉള്പ്പെടെ ശ്രദ്ധ പതിഞ്ഞത് ഇന്ത്യന് നായകന് വിരാട് കോഹ് ലിയിലാണ്. വിക്കറ്റ് വീണപ്പോഴുള്ള കോഹ് ലിയുടെ തീപാറും ആഘോഷം തന്നെ കാരണം. ആദ്യ ഓവറില് തന്നെ വിക്കറ്റ് വീണതിന്റെ ആവേശം കോഹ് ലിയില് വ്യക്തമായി പ്രകടമായിരുന്നു. ഇന്ത്യന് ക്യാമ്പില് വിക്കറ്റ് വീണത് തീവ്രമായി ആഘോഷിച്ചതും കോഹ് ലി തന്നെ.
ആദ്യ സെഷനിലും രണ്ടാം സെഷനിലുമായി ഓസീസിന്റെ രണ്ട് വിക്കറ്റുകള് വീതമാണ് ഇന്ത്യ വീഴ്ത്തിയത്. ചായയ്ക്ക് പിരിഞ്ഞെത്തിയതിന് പിന്നാലെ ഭൂമ്ര ഹാന്ഡ്സ്കോമ്പിനേയും ഡ്രസിങ് റൂമിലേക്ക് മടക്കി. ഹെഡിന് കൂട്ടായി നായകന് ടിം പെയ്നാണ് ഇപ്പോള് ക്രീസില്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates