ബുധ ശുക്രയോഗം കടലില് ന്യൂനമര്ദ്ദ സാധ്യത കൂട്ടും, ഈയാഴ്ച മഴയുണ്ടാവും
ഡിസംബര് ഒന്നിനാണ് പ്രസിദ്ധമായ ഗുരുവായൂര് ഏകാദശി. പിറ്റേന്ന് ദ്വാദശിപ്പണ സമര്പ്പണം. ഡിസംബര് 3ന് പകല് 1:16 ന് തൃക്കേട്ട ഞാറ്റുവേല തുടങ്ങും. ഇത് പുഞ്ചകൃഷി്ക്ക് ഉത്തമമായ സമയമാണെന്ന് പറയപ്പെടുന്നു. നെല്ലില് ചാഴി ശല്യമുണ്ടാവുന്ന കാലം കൂടിയത്രെ ഇത്. അതു കൊണ്ടു തന്നെ നിയന്ത്രണമാര്ഗ്ഗങ്ങള് ആലോചിക്കേണ്ട സമയം കൂടിയാണ്. ഡിസംബര് 4 തൃക്കാര്ത്തിക ദിനമാണ്. ഡിസംബര് 7 പരശുരാമജയന്തിയാണ്. ഡിസംബര് 20 വരെ കാണുന്ന ബുധ ശുക്രയോഗം കടലില് ന്യൂനമര്ദ്ദ സാധ്യതകള് വര്ദ്ധിപ്പിക്കുന്നതോടൊപ്പം മഴയും പറയാവുന്ന ഗ്രഹ ഘടനയാണ്. ഹേമന്ത ഋതു കാലമായതിനാല് രാത്രി അധികമായതുകൊണ്ട് രാവിലെ എണീ്ക്കുമ്പോള് തന്നെ വിശപ്പുണ്ടാവും. ഇക്കാലത്ത് വാത ഹരങ്ങളായ തൈലം തേച്ച് കുളിക്കേണ്ടതാണെന്നും അകിലിന്റെ പുകയേല്ക്കണമെന്നും ആയുര്വേദം പറയുന്നുണ്ട്. ഗോതമ്പ്, ഉഴുന്നരച്ച പലഹാരങ്ങള്, കരിമ്പ്, പാലുകൊണ്ടുള്ള പദാര്ത്ഥങ്ങള്, പുത്തന് നെല്ലരിച്ചോറ് എന്നിവ നല്ലതത്രെ.
അശ്വതി, ഭരണി, കാര്ത്തിക 1-ാം പാദം
ഈ നക്ഷത്രങ്ങളില് ജനിച്ചവര്ക്ക് ഗുണദോഷമിശ്രമായ സമയമാണ്. കൃഷിയില് ഗുണങ്ങള്, അധികാര പ്രാപ്തി, ഉദ്ദിഷ്ട കാര്യസിദ്ധി, സഹായികളുടെ വര്ദ്ധന എന്നിവയ്ക്കെല്ലാം യോഗമുണ്ട്.
കാര്ത്തിക 2, 3, 4 പാദങ്ങള്, രോഹിണി, മകയിരം 1, 2 പാദങ്ങള്
ഈ നക്ഷത്രക്കാര്ക്ക് അല്പം ഗുണപ്രദമായ സമയമാണ്. ധനലാഭം, ഭവന മാറ്റം, വിദ്യാഗുണം, പല വിധത്തില് പ്രശസ്തി എന്നിവയ്ക്കെല്ലാം യോഗമുണ്ട്. അവിചാരിതമായ യാത്രകള്ക്കും യോഗമുണ്ട്.
മകീരം 3, 4 പാദങ്ങള്, തിരുവാതിര, പുണര്തം 1, 2, 3 പാദങ്ങള്
ഈ നക്ഷത്രത്തില് ജനിച്ചവര്ക്ക് ഇപ്പോള് ഗുണകരമാണ്. വേദാന്താദി ശാസ്ത്ര ഗ്രന്ഥങ്ങളില് താല്പര്യം, ഉദ്ദിഷ്ടകാര്യസിദ്ധി, ഗവേഷണപഠനങ്ങളിലേര്പ്പെട്ടവര്ക്ക് ഗുണാനുഭവങ്ങള്, സമ്പദ് സമൃദ്ധി എന്നിവയെക്കല്ലാം യോഗമുണ്ട്.
പുണര്തം 4 -ാം പാദം, പൂയം, ആയില്യം
ഈ നക്ഷത്രക്കാര്ക്ക് ഗുണദോഷമിശ്ര സമയമാണ്. സാംസ്ക്കാരിക രംഗത്ത് പ്രവര്ത്തിക്കുന്നവര്ക്ക് പലതരത്തില് ചെലവുകള്ക്കും, വിവാഹാദി മംഗളകര്മ്മങ്ങള്ക്കും സന്താന ലബ്ധിക്കും യോഗമുള്ള സമയമാണ്.
മകം, പൂരം, ഉത്രം 1-ാം പാദം
നാടിന്റെ പുരോഗതിക്കായുള്ള പ്രവര്ത്തനങ്ങളില് പങ്കുചേരാനിട വരിക, ഇക്കാലത്ത് സ്വന്തം മേഖലകളില് തടസ്സങ്ങള്ക്ക് സാധ്യതയുണ്ടെങ്കിലും ഉണര്ന്ന് പ്രവര്ത്തിച്ചാല് വിജയിക്കുന്ന സമയം തന്നെയാണ്. വീഴ്ച, ശരീരത്തില് മുറിവുകള്, തീപ്പൊള്ളലേല്ക്കാനിടവരിക, നാല്ക്കാലികളില് നിന്ന് ഉപദ്രവം എന്നിവയ്ക്കും യോഗമുണ്ട്.
ഉത്രം 2, 3, 4 പാദങ്ങള്, അത്തം, ചിത്ര 1, 2, പാദങ്ങള്
ഈ നക്ഷത്രക്കാര്ക്ക് പലവിധേന ധനലാഭം, വിദ്യാഗുണം, ഭൂമീലാഭം, ഐശ്വര്യം, പ്രതാപം, നാല്ക്കാലി വര്ദ്ധനം, ക്രയവിക്രയങ്ങളില് ലാഭം എന്നിവയ്ക്ക് യോഗം കാണുന്നുണ്ട്. കലാ സാഹിത്യ രംഗത്തുള്ളവര്ക്കും, ഗൃഹാരംഭത്തിന് ശ്രമിക്കുന്നവര്ക്കും ഗുണകരമായ സമയമാണ്. വിദ്യാര്ത്ഥികള്ക്കും ഗവേഷകര്ക്കും ഇക്കാലം വളരെ നല്ല സമയമാണ്.
ചിത്ര 3, 4 പാദങ്ങള്, ചോതി, വിശാഖം 1, 2, 3 പാദങ്ങള്
ഈ നക്ഷത്രത്തില് പെട്ടവര്ക്ക് ഈ സമയം വളരെ നല്ലതാണ്. പരിശ്രമങ്ങള്ക്ക് വേണ്ട ഫലം ലഭിക്കുന്ന കാലമാണിത്. സൗഭാഗ്യം, ഉന്നതാധികാര പ്രാപ്തി, ധനാഗമനം, വിദ്യാഗുണം, വിവാഹം, വിദേശവാസ യോഗം എന്നിവയ്ക്ക് യോഗമുള്ള സമയമാണ്.
വിശാഖം 4-ാം പാദം, അനിഴം, തൃക്കേട്ട
ഈ നക്ഷത്രക്കാര്ക്ക് ഇക്കാലം അല്പം മോശമായ സമയമാണ്. കുടുംബത്തില് മംഗളകര്മങ്ങള്ക്ക് നേതൃത്വം വഹിക്കാനിടയ്ക്ക് യോഗമുണ്ട്. അനാവശ്യ കാര്യങ്ങളില് ഇടപെടാതിരിയ്ക്കാന് പ്രത്യേകം ശ്രദ്ധിയ്ക്കണം. അലസത മാറ്റി പ്രവര്ത്തിച്ചാല് ധാരാളം ഗുണഫലങ്ങള് അനുഭവപ്പെടാന് യോഗമുണ്ട്.
മൂലം, പൂരാടം, ഉത്രാടം 1-ാം പാദം
ഇവര്ക്ക് ഈശ്വരാധീനമുള്ള സമയമാണ്. ഗുണാനുഭവങ്ങള്ക്ക് കാലതാമസം എന്നിവയ്ക്കെല്ലാം സാധ്യതയുണ്ട്. സംഗീത സാഹിത്യ കലാ സിനിമ മുതലായ മേഖലകളില് പ്രവര്ത്തിക്കുന്നവര്ക്ക് ശോഭിക്കാന് പറ്റിയ സമയമാണ്.
ഉത്രാടം 2, 3, 4 പാദങ്ങള്, തിരുവോണം, അവിട്ടം 1, 2 പാദങ്ങള്
ഈ നക്ഷത്രക്കാര്ക്ക് ഗുണദോഷ സമ്മിശ്രാനുഭവങ്ങള്ക്ക് സാധ്യതയുള്ള സമയമാണ്. പ്രവൃത്തികള്ക്കെല്ലാം പൂര്ണ്ണത വരുന്ന സമയം കൂടിയാണ്. കൃഷിയില് ലാഭം, സമൂഹത്തില് മാന്യത, ധര്മ്മാനുഷ്ഠാനതല്പരത, ക്രയവിക്രയങ്ങളില് ലാഭം, സഹായികളുടെ വര്ദ്ധന, സുഖസമൃദ്ധമായ ജീവിതം എന്നിവയ്ക്കെല്ലാംയോഗമുണ്ട്. എന്നിരുന്നാലും വീഴ്ച, ചതിയേല്ക്കാനിട വരിക, ശരീരത്തില് മുറിവേല്ക്കാനിടവരുക, അവിചാരിതമായ നാശനഷ്ടങ്ങള് എന്നിവയ്ക്കും യോഗമുള്ളതിനാല് ശ്രദ്ധിച്ച് പ്രവര്ത്തിക്കേണ്ട സമയം കൂടിയാണ്.
അവിട്ടം 3, 4 പാദങ്ങള്, ചതയം, പൂരോരുട്ടാതി 1, 2, 3 പാദങ്ങള്
ഈ നക്ഷത്രക്കാര്ക്ക് അല്പം ഈശ്വരാധീനക്കുറവ് പറയാവുന്ന സമയമാണ്. നല്ലതിനായി ചെയ്യുന്ന പ്രവൃത്തികള് ദോഷകരമായി മാറാതിരിയ്ക്കാന് വേണ്ട മുന് കരുതലുകള് സ്വീകരിക്കുന്നതു നല്ലതാണ്.
പൂരുരുട്ടാതി 4-ാം പാദം, ഉത്രട്ടാതി, രേവതി
ഇവര്ക്ക് അല്പം അലസത കാണുമെങ്കിലും 'ഇക്കാലം പൊതുവെ ഗുണകരമാണ്. കുടുംബൈശ്വര്യം, വസ്ത്രാഭരണ സിദ്ധി, പ്രാപ്തി,, കാര്യജയം, ദേശ നന്മയ്ക്കുള്ള പ്രവര്ത്തനങ്ങള്ക്ക് നേതൃത്വം കൊടുക്കല് എന്നിവയ്ക്കും യോഗമുണ്ട്. അലസത മാറ്റി വേണ്ട വിധം പ്രവര്ത്തിച്ചാല് സമൂഹത്തിനു തന്നെ വന് മാറ്റങ്ങള്ക്ക് യോഗമുള്ള സമയമാണ്. അനാവശ്യ ചെലവുകള്, ഉദരരോഗ, പാദരോഗ സാധ്യതകള്, അലര്ജി മൂലം അസുഖങ്ങള് എന്നിവയ്ക്കും യോഗമുള്ളതിനാല് ശ്രദ്ധിക്കേണ്ടതാണ്.
Weekly horoscope and Astrology prediction for Dec 01 -07
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
