പ്രതിഭാശാലികള്ക്ക് പോലും തിളങ്ങാന് ബുദ്ധിമുട്ടുള്ള സമയം, മൗഢ്യകാലം
ചൊവ്വയ്ക്കും ബുധനും ശുക്രനും മൗഢ്യമുള്ള സമയമാണിത്. പ്രതിഭാശാലികള്ക്ക് പോലും വിദ്യാഭ്യാസം, കല, സാഹിത്യം എന്നീ മേഖലകളില് വേണ്ടത്ര തിളങ്ങാന് ബുദ്ധിമുട്ടുള്ള സമയം കൂടിയാണിത്. ജനുവരി 11 രാവിലെ 8:36 വരെ പൂരാടം ഞാറ്റുവേലയാണ്. പൂരാടം നക്ഷത്രത്തിന്റെ ദേവത ജലമാണ്. കാര്ഷിക വിളകള് നനയ്ക്കേണ്ട സമയമാണിത്. ജനുവരി 11നാണ് പ്രസിദ്ധമായ എരുമേലി പേട്ടതുള്ളല്.
അശ്വതി, ഭരണി, കാര്ത്തിക 1-ാം പാദം
ഈ നക്ഷത്രങ്ങളില് ജനിച്ചവര്ക്ക് താരതമ്യേന ഗുണദോഷസമ്മിശ്ര സമയമാണ്. അനാവശ്യമായ ചെലവുകള്ക്ക് സാധ്യതയുണ്ട്. സഹായികളുടെ വര്ദ്ധന എന്നിവയ്ക്കെല്ലാം യോഗമുണ്ട്.
കാര്ത്തിക 2, 3, 4 പാദങ്ങള്, രോഹിണി, മകയിരം 1, 2 പാദങ്ങള്
ഈ നക്ഷത്രക്കാര്ക്ക് ഇക്കാലം ഗുണകരമാണ്. പല രംഗങ്ങളിലും നേതൃത്വം വഹിക്കാനിടവരുക, പ്രശസ്തി, നൂതന സാങ്കേതിക വിദ്യകളില് താല്പര്യം, ധനാഗമനം എന്നിവയ്ക്കെല്ലാം യോഗമുണ്ട്.
മകീരം 3, 4 പാദങ്ങള്, തിരുവാതിര, പുണര്തം 1, 2, 3 പാദങ്ങള്
ഈ നക്ഷത്രത്തില് ജനിച്ചവര്ക്ക് ഗുണദോഷമിശ്രപരമായ കാലമാണിത്. വേദാന്താദി ശാസ്ത്രപഠനങ്ങളിലേര്പ്പെട്ടവര്ക്ക് ഗുണാനുഭവങ്ങള്, സമ്പദ് സമൃദ്ധി, അധികാര പ്രാപ്തി, വാഹന ലബ്ധി, അലര്ജി മുതലായ അസുഖ സാധ്യതകള് എന്നിവയ്ക്കെല്ലാം യോഗമുണ്ട്.
പുണര്തം 4 -ാം പാദം, പൂയം, ആയില്യം
ഈ നക്ഷത്രക്കാര്ക്ക് ഗുണദോഷമിശ്ര സമയമാണ്. പൊതുപ്രവര്ത്തന രംഗത്ത് പ്രവര്ത്തിക്കുന്നവര്ക്ക് പലതരത്തില് ചെലവുകള്ക്ക് സാധ്യതയുണ്ട്, സാഹിത്യകാര്യങ്ങളില് താല്പര്യം, സമൂഹത്തിന്റെ വിവിധ പ്രശ്നങ്ങളില് ഇടപെട്ട് പരിഹരിക്കാനവസരം, എന്നിവയ്ക്കെല്ലാം സാധ്യതയുള്ള സമയമാണ്.
മകം, പൂരം, ഉത്രം 1-ാം പാദം
സജ്ജന സംസര്ഗ്ഗം കൊണ്ടും, പുരാതനത്വം കൊണ്ടും സ്വന്തം പ്രവര്ത്തന മേഖലകളില് വളരെ നൂതന ആശയങ്ങളുമായി എത്തേണ്ട സമയമാണിത്. ഉണര്ന്ന് പ്രവര്ത്തിച്ചാല് ധാരാളം ഗുണാനുഭവങ്ങള്ക്ക് യോഗമുണ്ട്. വീഴ്ച, ശരീരത്തില് മുറിവുകള്, തീപ്പൊള്ളലേല്ക്കാനിടവരിക, നാല്ക്കാലികളില് നിന്ന് ഉപദ്രവം എന്നിവ ശ്രദ്ധിയ്ക്കണം.
ഉത്രം 2, 3, 4 പാദങ്ങള്, അത്തം, ചിത്ര 1, 2, പാദങ്ങള്
ഈ നക്ഷത്രക്കാര്ക്ക് പൊതുവെ ഗുണപ്രദമായ സമയമാണ്. ഉദ്യോഗത്തില് ഉയര്ച്ച, പ്രശംസ, അധികാരലബ്ധി എന്നിവയ്ക്കും ക്രയവിക്രയങ്ങളില് താല്പര്യങ്ങള്ക്കും യോഗം കാണുന്നുണ്ട്. വിദ്യാര്ത്ഥികള്ക്കും ഗവേഷകര്ക്കും ഇത് വളരെ നല്ല സമയമാണ്.
ചിത്ര 3, 4 പാദങ്ങള്, ചോതി, വിശാഖം 1, 2, 3 നക്ഷത്രപാദങ്ങള്
ഈ നക്ഷത്രത്തില് പെട്ടവര്ക്ക് ഈ സമയം താരതമ്യേന ഗുണകരമാണ്. അധ്വാനത്തിനനുസൃതമായ ഗുണഫലം ലഭിക്കുന്ന കാലമാണിത്. സൗഭാഗ്യം, അധികാര പ്രാപ്തി, വിദ്യാഗുണം, വിദേശവാസ യോഗം എന്നിവയ്ക്കും യോഗമുള്ള സമയമാണ്.
വിശാഖം 4-ാം പാദം, അനിഴം, തൃക്കേട്ട
ഇവര്ക്ക് ഇക്കാലം അത്ര ഗുണകരമല്ല . ചതിയേല്ക്കാനിട വരിക, ക്രയവിക്രയങ്ങളില് നഷ്ടം, അലസത എന്നിവയ്ക്ക് സാധ്യതയുണ്ട്. പരിചയമില്ലാത്ത പ്രവൃത്തികളില് ഇടപെടാതിരിയ്ക്കാന് പ്രത്യേകം ശ്രദ്ധിക്കണം.
മൂലം, പൂരാടം, ഉത്രാടം 1-ാം പാദം
ഇവര്ക്ക് നല്ല ഈശ്വരാധീനമുള്ള സമയമാണ് ഇത്. സംഗീത സാഹിത്യ കലാ സിനിമ രാഷ്ട്രീയ പ്രവര്ത്തനങ്ങളില് പ്രവര്ത്തിക്കുന്നവര്ക്ക് ശോഭിക്കാന് പറ്റിയ സമയമാണ് .
ഉത്രാടം 2, 3, 4 പാദങ്ങള്, തിരുവോണം, അവിട്ടം 1, 2 പാദങ്ങള്
ഇവര്ക്ക് സ്ഥാനമാനങ്ങള്, പ്രശസ്തി എന്നിവയ്ക്ക് യോഗമുണ്ട്. ഗുണദോഷ സമ്മിശ്രാനുഭവങ്ങള്ക്ക് സാധ്യതയുള്ള സമയമാണ്. എങ്കിലും ശനി മൂന്നില് നില്ക്കയാല് കഠിന പ്രയത്നത്തിന് തക്കതായ ഫലം കിട്ടുന്നതാണ്. ക്രയവിക്രയങ്ങളില് ലാഭം, സഹായികളുടെ വര്ദ്ധന, സുഖസമൃദ്ധമായ ജീവിതം എന്നിവയ്ക്കും യോഗമുണ്ട്.
അവിട്ടം 3, 4 പാദങ്ങള്, ചതയം, പൂരോരുട്ടാതി 1, 2, 3 പാദങ്ങള്
ഈ നക്ഷത്രക്കാര്ക്ക് ഇത് നല്ല സമയമാണ്. സന്താനങ്ങള്ക്ക് ഗുണാനുഭവങ്ങള്, ഉദ്ദിഷ്ട കാര്യ സിദ്ധി, അധികാര പ്രാപ്തി, പ്രശസ്തി എന്നിവയ്ക്കെല്ലാം യോഗമുണ്ട്. അലസത മാറ്റി അല്പം ഉണര്ന്ന് പ്രവര്ത്തിയ്ക്കേണ്ട സമയം കൂടിയാണ്.
പൂരുരുട്ടാതി 4-ാം പാദം, ഉത്രട്ടാതി, രേവതി
ഈ നക്ഷത്രക്കാര്ക്ക് ഇക്കാലം ഗുണകരമാണ്. ഉദ്ദിഷ്കാര്യസിദ്ധി, വസ്ത്രാഭരണ ലബ്ധി, കാര്യപ്രാപ്തി, നാടിന്റെ നന്മയ്ക്കുള്ള പ്രവര്ത്തനങ്ങള്ക്ക് നേതൃത്വം എന്നിവയ്ക്കും യോഗമുണ്ട്. അനാവശ്യ ചെലവുകള്, അലസത, ഉദരരോഗങ്ങള്, പാദരോഗ സാധ്യതകള്, അലര്ജി മൂലം അസുഖങ്ങള് എന്നിവയ്ക്കും യോഗമുള്ളതിനാല് ശ്രദ്ധിക്കേണ്ടതാണ്.
Weekly horoscope and astrology prediction for Jan 05 -11
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
