മുംബൈ: പ്രമുഖ ഓസ്ട്രിയന് മോട്ടോര് സൈക്കിള് നിര്മ്മാതാക്കളായ കെടിഎമ്മിന്റെ പുതിയ ബൈക്ക് ആയ 160 ഡ്യൂക്ക് ഇന്ത്യന് വിപണിയില് അവതരിപ്പിച്ചു. 1.85 ലക്ഷം രൂപയാണ് (എക്സ്-ഷോറൂം, ഡല്ഹി) വില. ഡ്യൂക്ക് 125 പിന്വലിച്ചതിനെ തുടര്ന്ന് 200 സിസിയില് താഴെയുള്ള കാറ്റഗറിയിലേക്കുള്ള കെടിഎമ്മിന്റെ മടങ്ങിവരവായാണ് പുതിയ ബൈക്കിനെ വാഹനപ്രേമികള് കാണുന്നത്.
200 ഡ്യൂക്ക് എന്ജിന്റെ പതിപ്പാണ് 160 ഡ്യൂക്കിന് കരുത്ത് പകരുന്നത്. 164.2 സിസി, ലിക്വിഡ്-കൂള്ഡ് മോട്ടോര് 9,500 ആര്പിഎമ്മില് 18.74 ബിഎച്ച്പി പവറും 7,500 ആര്പിഎമ്മില് 15.5 എന്എം പീക്ക് ടോര്ക്കും പുറപ്പെടുവിക്കുന്നു. ആറ് സ്പീഡ് ഗിയര്ബോക്സുമായി എന്ജിനെ ഇണക്കിചേര്ത്തിരിക്കുന്നു. കൂടാതെ അസിസ്റ്റ്, സ്ലിപ്പര് ക്ലച്ച് എന്നിവയും ഇതിന്റെ പ്രത്യേകതകളാണ്.
മുന്നില് 43 എംഎം WP അപ്സൈഡ്-ഡൗണ് ഫോര്ക്കുകളില് സസ്പെന്ഡ് ചെയ്ത സ്റ്റീല് ട്രെല്ലിസ് ഫ്രെയിമും പിന്നില് പ്രീലോഡ്-അഡ്ജസ്റ്റബിള് WP മോണോഷോക്കുമാണ് ഉള്ളത്. 320 എംഎം ഫ്രണ്ട് ഡിസ്കും 230 എംഎം റിയര് ഡിസ്കുമാണ് ബ്രേക്കിങ് കൈകാര്യം ചെയ്യുന്നത്. ഡ്യുവല്-ചാനല് എബിഎസും ബൈക്കിന് ഉണ്ട്.
പുതിയ കെടിഎം 160 ഡ്യൂക്കില് എല്ഇഡി ലൈറ്റിങ്, ഓഫ്-റോഡ് എബിഎസുള്ള ഡ്യുവല്-ചാനല് എബിഎസ്, കെടിഎം കണക്റ്റ് ആപ്പുള്ള ബ്ലൂടൂത്ത് കണക്റ്റിവിറ്റി, ടേണ്-ബൈ-ടേണ് നാവിഗേഷന്, കോള്/മ്യൂസിക് കണ്ട്രോള് എന്നിവയുണ്ട്. 160 ഡ്യൂക്ക് എല്സിഡി ഇന്സ്ട്രുമെന്റ് ക്ലസ്റ്ററും വാഗ്ദാനം ചെയ്തിട്ടുണ്ട്. 160 ഡ്യൂക്ക് ഇന്ത്യയില് മൂന്ന് കളര് ഓപ്ഷനുകളില് ലഭ്യമാണ്. ഇലക്ട്രോണിക് ഓറഞ്ച്, അറ്റ്ലാന്റിക് ബ്ലൂ, സില്വര് മെറ്റാലിക് മാറ്റ്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
