ന്യൂഡല്ഹി: പ്രമുഖ ഇരുചക്ര വാഹന നിര്മ്മാതാക്കളായ സിംപിള് എനര്ജി, തങ്ങളുടെ പുതിയ ഫാമിലി ഇലക്ട്രിക് സ്കൂട്ടര് സെപ്റ്റംബര് രണ്ടിന് ഇന്ത്യന് വിപണിയില് അവതരിപ്പിക്കും. നേരത്തെ അറൈവ് എന്ന പേരില് പുതിയ സ്കൂട്ടര് വിപണിയില് എത്തുമെന്നാണ് പറഞ്ഞിരുന്നത്. എന്നാല് വരാനിരിക്കുന്ന പുതിയ മോഡലിന്റെ പേര് വേവ് എന്നാണ്. സിംപിള് വണ് റേഞ്ചിനേക്കാള് കുറഞ്ഞ വിലയിലാണ് പുതിയ മോഡല് വിപണിയില് എത്തുക.
രാജ്യത്തെ ടയര്-2, ടയര്-3 സിറ്റികളിലെ ഉപഭോക്താക്കളെ ലക്ഷ്യമിട്ടാണ് പുതിയ സ്കൂട്ടര്. വില്പ്പന വര്ധിപ്പിക്കുന്നതിന് ഡീലര്ഷിപ്പ് നെറ്റ് വര്ക്ക് വിപുലമാക്കാനുള്ള ശ്രമത്തിലാണ് കമ്പനി. നിലവില് കമ്പനിക്ക് 75 ഡീലര്ഷിപ്പുകളാണ് ഉള്ളത്. ഈ സാമ്പത്തിക വര്ഷത്തിന്റെ അവസാനത്തോടെ ഡീലര്ഷിപ്പുകളുടെ എണ്ണം 150 മുതല് 200 വരെയായി ഉയര്ത്താനാണ് കമ്പനി ലക്ഷ്യമിടുന്നത്.
ബോക്സ് ആകൃതിയിലുള്ള ഡിസൈനും കൂടുതല് പ്രായോഗികത സവിഷേതകളും ഇതില് ഉണ്ടാകുമെന്നാണ് കമ്പനി അവകാശപ്പെടുന്നത്. സുഖകരമായ യാത്രയ്ക്ക് വലിപ്പമേറിയ സീറ്റാണ് ഇതിന് ഉണ്ടാവുക. സിംപിള് വണിന്റെ അതേ പ്ലാറ്റ്ഫോമിനെ അടിസ്ഥാനമാക്കിയിരിക്കും ഇത് നിര്മ്മിച്ചിരിക്കുന്നത്. സിംപിള് വണിലെ മോണോ ഷോക്കിന് പകരമായി ടെലിസ്കോപിക് ഫോര്ക്കും ട്വിന് ഷോക്ക് അബ്സോര്ബര് സെറ്റപ്പും ആണ് ഇതില് പ്രതീക്ഷിക്കുന്നത്. മുന്നില് ഡിസ്ക് ബ്രേക്കും പിന്നില് ഡ്രം ബേക്കുമാണ് ബ്രേക്കിങ് വിഭാഗത്തില് വരുന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
