ന്യൂഡല്‍ഹി: രാജ്യത്ത് പ്രമുഖ വ്യക്തികളുടെ പേരിലുള്ളത് 29 വിമാനത്താവളങ്ങളും ടെര്‍മിനലുകളുമെന്ന് വിവരാവകാശ രേഖ. 24 വിമാനത്താവളങ്ങള്‍ക്കും അഞ്ചു ടെര്‍മിനലുകള്‍ക്കുമാണ് പ്രമുഖ വ്യക്തികളുടെ പേരു നല്‍കിയിട്ടുള്ളതെന്ന് രേഖ വ്യക്തമാക്കുന്നു.
ചണ്ഡിഗഢ് വിമാനത്താവളത്തിന് ഭഗത് സിങ്ങിന്റെ പേരു നല്‍കിയതാണ് ഇതില്‍ അവസാനത്തേത്. സെപ്റ്റംബര്‍ 28നാണ് ചണ്ഡിഗഢ് വിമാനത്താവളത്തിന് ഭഗത് സിങ്ങിന്റെ പേരു നല്‍കിയത്.
മുന്‍ പ്രധാനമന്ത്രിമാരുടെ പേരില്‍ നാല് വിമാനത്താവളങ്ങളുണ്ട്. ഡല്‍ഹിയിലെ ഇന്ദിര ഗാന്ധി രാജ്യാന്തര വിമാനത്താവളം, ഹൈദരാബാദിലെ രാജീവ് ഗാന്ധി വിമാനത്താവളം, വാരാണസിയിലെ ലാല്‍ ബഹാദൂര്‍ ശാസ്ത്രി എയര്പോര്ട്ട്, ലക്‌നൗവിലെ ചൗധരി ചരണ്‍ സിങ് എയര്പോര്ട്ട് എന്നിവ.
മുന്‍ മുഖ്യമന്ത്രിമാരുടെ പേരില്‍ രാജ്യത്തെ വിവിധ ഇടങ്ങളില്‍ വിമാനത്താവളങ്ങളുണ്ട്. ചെന്നൈ വിമാനത്താവളത്തില്‍ അണ്ണാ ദുരൈയുടെയും കാമരാജിന്റെയും പേരില്‍ ടെര്‍മിനലുകള്‍ ഉണ്ട്. ഹൈദരാബാദ് വിമാനത്താവളത്തില്‍ എന്‍ടി രാമറാവുവിന്റെ പേരില്‍ രണ്ടു ടെര്‍മിനലുകളാണ് ഉള്ളത്.
നിലവില്‍ രാജ്യത്ത് 131 വിമാനത്താവളങ്ങളാണ് ഉള്ളത്. ഇതില്‍ 29 എണ്ണം രാജ്യാന്തര സര്‍വീസ് നടത്തുന്നവയാണ്. വിമാനത്താവളങ്ങള്‍ക്കു പേരു നല്‍കുന്നതില്‍ അന്തിമ തീരുമാനമെടുക്കുന്നത് കേന്ദ്ര മന്ത്രിസഭയാണ്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
