ന്യൂഡല്‍ഹി: റിസര്‍വ് ബാങ്ക് അടിസ്ഥാന പലിശനിരക്കായ റിപ്പോയില്‍ 50 ബേസിക് പോയിന്റിന്റെ കുറവ് വരുത്തിയതിന്റെ ചുവടുപിടിച്ച് നിരവധി ബാങ്കുകളാണ് പലിശനിരക്ക് കുറച്ചത്. എക്സ്റ്റേണല് ബെഞ്ച്മാര്‍ക്ക് വായ്പാനിരക്ക് അല്ലെങ്കില്‍ റിപ്പോ അധിഷ്ഠിത വായ്പാനിരക്കിലാണ് കുറവ് വരുത്തിയത്. റിപ്പോ നിരക്കുമായി ബന്ധിപ്പിച്ചിട്ടുള്ള ഫ്‌ലോട്ടിങ് റേറ്റ് വായ്പ എടുത്തവരുടെയോ എടുക്കാന്‍ പദ്ധതിയിടുന്നവരുടെയോ ഭവനവായ്പ ചെലവ് കുറയ്ക്കുന്നതിലേക്ക് ഇത് നയിക്കുമെന്നാണ് വിദഗ്ധര്‍ പറയുന്നത്. റിപ്പോ നിരക്ക് കുറച്ചതിന്റെ ചുവടുപിടിച്ച് പലിശനിരക്ക് കുറച്ച ബാങ്കുകളുടെ പട്ടിക ചുവടെ:
1. ഇന്ത്യന്‍ ഓവര്‍സീസ് ബാങ്ക്
ജൂണ്‍ 12 മുതല്‍ പ്രാബല്യത്തില്‍ വരുന്ന തരത്തില്‍, ഇന്ത്യന്‍ ഓവര്‍സീസ് ബാങ്ക് റിപ്പോ ലിങ്ക്ഡ് വായ്പ നിരക്ക് 8.85 ശതമാനത്തില്‍ നിന്ന് 8.35 ശതമാനമായി കുറച്ചു. 50 ബേസിക് പോയിന്റിന്റെ കുറവാണ് വരുത്തിയത്.
2.എസ്ബിഐ ഭവന വായ്പാ നിരക്ക്
സ്റ്റേറ്റ് ബാങ്ക് ഓഫ് ഇന്ത്യ (SBI) ജൂണ്‍ 15 മുതല്‍ പ്രാബല്യത്തില്‍ വരുന്ന തരത്തിലാണ് റിപ്പോ അധിഷ്ഠിത വായ്പാനിരക്ക് (RLLR) പരിഷ്‌കരിച്ചത്. ഏറ്റവും പുതിയ റിപ്പോ അധിഷ്ഠിത വായ്പാനിരക്ക്: 7.75 ശതമാനം+ ക്രെഡിറ്റ് റിസ്‌ക് പ്രീമിയം (CRP) ആണ്. നേരത്തെ ഇത് 8.25 ശതമാനം + ക്രെഡിറ്റ് റിസ്‌ക് പ്രീമിയം (CRP) ആയിരുന്നു.
3. യൂണിയന്‍ ബാങ്ക് ഓഫ് ഇന്ത്യ ഭവന വായ്പാ നിരക്ക്
യൂണിയന്‍ ബാങ്ക് ഓഫ് ഇന്ത്യ എക്സ്റ്റേണല് ബെഞ്ച്മാര്‍ക്ക് വായ്പാനിരക്കിലും റിപ്പോ അധിഷ്ഠിത വായ്പാനിരക്കിലും 50 ബേസിക്് പോയിന്റിന്റെ കുറവ് വരുത്തി. ഇബിഎല്‍ആര്‍ 8.25 ശതമാനമായാണ് കുറച്ചത്.
4. കാനറ ബാങ്ക് ഭവനവായ്പ നിരക്ക്
എക്സ്റ്റേണല് ബെഞ്ച്മാര്‍ക്ക് നിരക്കുമായി ബന്ധിപ്പിച്ചിരിക്കുന്ന വായ്പകള്‍ക്കുള്ള റിപ്പോ അധിഷ്ഠിത വായ്പാ നിരക്ക് 8.75 ശതമാനത്തില്‍ നിന്ന് 8.25 ശതമാനമായാണ് കാനറ ബാങ്ക് കുറച്ചത്. പുതുക്കിയ വായ്പാ നിരക്ക് ജൂണ്‍ 12 മുതല്‍ പ്രാബല്യത്തില്‍ വന്നു. ഉപഭോക്താക്കള്‍ക്ക് ഈ തീരുമാനം വായ്പാ ചെലവ് കുറയ്ക്കും.
5. പഞ്ചാബ് നാഷണല്‍ ബാങ്ക് (PNB) ഭവനവായ്പ നിരക്ക്
ജൂണ്‍ 9 മുതല്‍ പ്രാബല്യത്തില്‍ വരുന്ന തരത്തില്‍ റിപ്പോ അധിഷ്ഠിത വായ്പാനിരക്ക് 8.85 ശതമാനത്തില്‍ നിന്ന് 8.35 ശതമാനമായി പരിഷ്‌കരിച്ചതായി ബാങ്ക് അറിയിച്ചു. പുതിയ നിരക്ക് 50 ബേസിക് പോയിന്റ് കുറവ് പ്രതിഫലിപ്പിക്കുന്നു
6. ബാങ്ക് ഓഫ് ബറോഡ (ബിഒബി) ഭവനവായ്പ നിരക്ക്
ബാങ്ക് ഓഫ് ബറോഡ, റിപ്പോ അടിസ്ഥാനമാക്കിയുള്ള വായ്പാ നിരക്ക് (ബിആര്‍എല്‍എല്‍ആര്‍) 8.65 ശതമാനത്തില്‍ നിന്ന് 8.15 ശതമാനമായി കുറച്ചു. 2025 ജൂണ്‍ 7 മുതല്‍ പ്രാബല്യത്തില്‍ വന്നു.
7. ബാങ്ക് ഓഫ് ഇന്ത്യ ഭവനവായ്പ നിരക്ക്
ജൂണ്‍ 6 മുതല്‍ പ്രാബല്യത്തില്‍ വരുന്ന തരത്തില്‍ ബാങ്ക് ഓഫ് ഇന്ത്യയും നിരക്ക് കുറയ്ക്കല്‍ ശ്രേണിയില്‍ ചേര്‍ന്നു. റിപ്പോ അധിഷ്ഠിത വായ്പാ നിരക്ക് (RBLR) 8.85 ശതമാനത്തില്‍ നിന്ന് 8.35 ശതമാനമായി കുറച്ചു.
7 banks cut home loan interest rates after RBI repo rate cut in June
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
