ന്യൂഡല്‍ഹി: രാജ്യത്ത് തിരിച്ചറിയല്‍ രേഖകളില്‍ പ്രമുഖ സ്ഥാനമായി ആധാര്‍ കാര്‍ഡിനുള്ളത്. ആധാറില്‍ മാറ്റം വരുത്താന്‍ യുഐഡിഎഐ സംവിധാനം ഒരുക്കിയിട്ടുണ്ട്. ആധാര്‍ സെന്ററുകളില്‍ പോയോ ഓണ്‍ലൈനായോ ആധാറിലെ വിവരങ്ങള്‍ തിരുത്താനുള്ള സൗകര്യമാണ് ഒരുക്കിയിരിക്കുന്നത്.
ആധാറിലെ വിവരങ്ങള്‍ മാറ്റുന്നതിന് ബന്ധപ്പെട്ട രേഖകള്‍ നിര്‍ബന്ധമായിരുന്നു. ഇത് ഉണ്ടെങ്കില്‍ മാത്രമേ ആധാറിലെ വിവരങ്ങള്‍ മാറ്റാന്‍ കഴിയുമായിരുന്നുള്ളൂ. എന്നാല്‍ ഇതിന് വരുന്ന ബുദ്ധിമുട്ടുകള്‍ കണ്ട് വ്യവസ്ഥകളില്‍ മാറ്റം വരുത്തിയിരിക്കുകയാണ് യുഐഡിഎഐ.
കുടുംബനാഥന്‍ അല്ലെങ്കില്‍ കുടുംബനാഥയുടെ അടിസ്ഥാനത്തില്‍ ആധാറിലെ വിവരങ്ങള്‍ മാറ്റാനുള്ള സൗകര്യമാണ് ഒരുക്കിയിരിക്കുന്നത്. കുടുംബനാഥന്റെയോ കുടുംബനാഥയുടെയോ ആധാര്‍ കാര്‍ഡ് ഉപയോഗിച്ച് ആധാറിലെ വിവരങ്ങള്‍ മാറ്റാന്‍ അനുവദിക്കുന്ന സംവിധാനമാണ് ഒരുക്കിയിരിക്കുന്നത്. ഹെഡ് ഓഫ് ഫാമിലി ബേസ്ഡ് ആധാര്‍ അപ്‌ഡേറ്റ് ഓപ്ഷനാണ് ഇതിനായി കൊണ്ടുവന്നിരിക്കുന്നത്.
ഉദാഹരണമായി ആധാറിലെ മേല്‍വിലാസം മാറ്റണമെങ്കില്‍ നേരത്തെ ബന്ധപ്പെട്ട രേഖകള്‍ ഹാജരാക്കണം. ഇത്തരം കാര്യങ്ങള്‍ക്കായി ഉപയോക്താവ് ഒരുപാട് പ്രയാസങ്ങള്‍ നേരിടേണ്ടതായി വരും. ഇത് ഒഴിവാക്കാനാണ് പുതിയ ഭേദഗതി.
ഭാവിയില്‍ ആധാറില്‍ മാറ്റങ്ങള്‍ വരുത്തുന്നതിന് ബന്ധപ്പെട്ട രേഖകള്‍ ഹാജരാക്കേണ്ടതില്ല. കുടുംബനാഥനോ, കുടുംബനാഥയോ ആവശ്യമായ രേഖകള്‍ സമര്‍പ്പിച്ചിട്ടുണ്ടെങ്കില്‍ അതിനെ അടിസ്ഥാനമാക്കി ആധാറിലെ വിവരങ്ങള്‍ മാറ്റാന്‍ അനുവദിക്കും. കുടുംബനാഥന്റെയോ കുടുംബനാഥയുടെയോ ആധാര്‍ ഉപയോഗിച്ച് മറ്റു കുടുംബാംഗങ്ങളുടെ ആധാര്‍ കാര്‍ഡില്‍ മാറ്റം വരുത്താന്‍ അനുവദിക്കുന്നതാണ് പുതിയ ഭേദഗതി.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ക്കായി ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
