ന്യൂഡല്ഹി: എയിംസ് മോഡലില് ആയുര്വേദ ചികിത്സയെ പ്രോത്സാഹിപ്പിക്കുന്നതിനും ഗവേഷണത്തിനുമായി മൂന്ന് ഓള് ഇന്ത്യ ഇന്സ്റ്റിറ്റ്യൂട്ട് ഓഫ് ആയുര്വേദ(എഐഎ) പ്രഖ്യാപിച്ച് ധനമന്ത്രി നിര്മല സീതാരാമന്. ആയുഷ് ഫാര്മസികള്, ആയുര്വേദ മരുന്ന് ഗവേഷണ കേന്ദ്രങ്ങള് എന്നിവയെല്ലാം സര്ട്ടിഫിക്കേഷന് സ്റ്റാന്ഡേര്ഡിലേക്ക് ഉയര്ത്തുമെന്നും ബജറ്റ് പ്രസംഗത്തിനിടെ മന്ത്രി പറഞ്ഞു.
ആയുര്വേദ വിദ്യാഭ്യാസം, ഗവേഷണം, എന്നിവയെ അന്താരാഷ്ട്ര നിലവാരത്തിലെത്തിക്കും. ഫാര്മസികളുടെ ആധുനിക വത്കരണത്തിലൂടെ ജനങ്ങള്ക്ക് കൂടുതല് നിലവാരത്തിലുള്ള മരുന്നുകള് ലഭ്യമാക്കുന്നതിന് സഹായിക്കുമെന്നും മന്ത്രി വ്യക്തമാക്കി. മാത്രമല്ല ഈ രംഗത്ത് കൂടുതല് വിദഗ്ധരായ തൊഴിലാളികളുടെ സേവനവും ലഭ്യമാക്കും.
നാഷണല് ഇന്സ്റ്റിറ്റ്യൂട്ട് ഓഫ് മെന്റല് ഹെല്ത്ത് ആന്ഡ് ന്യൂറോ സയന്സസിന്റെ (നിംഹാന്സ്) മറ്റൊരു കേന്ദ്രം വടക്കേ ഇന്ത്യയില് ആരംഭിക്കുമെന്നും ധനമന്ത്രി അറിയിച്ചു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
