ന്യൂഡല്‍ഹി: ഇ-കോമേഴ്‌സ് പ്ലാറ്റ്‌ഫോമായ ആമസോണ്‍ മാതൃകയില്‍ ഉപഭോക്താവിന്റെ ഇന്‍ഷുറന്‍സ് ആവശ്യങ്ങള്‍ ഒരു കുടക്കീഴില്‍ അണിനിരത്താന്‍ സഹായിക്കുന്ന ഇന്‍ഷുറന്‍സ് ഇ- കോമേഴ്‌സ് പ്ലാറ്റ്‌ഫോമായ ഭീമ സുഗത്തിന് ഐആര്‍ഡിഎയുടെ അനുമതി. ഇന്‍ഷുറന്‍സ് പോളിസി തെരഞ്ഞെടുക്കല്‍, ക്ലെയിം സെറ്റില്‍മെന്റ് ഉള്‍പ്പെടെ വിവിധ ഇന്‍ഷുറന്‍സ് ആവശ്യങ്ങള്‍ നിറവേറ്റാന്‍ സഹായിക്കുന്നതാണ് ഭീമ സുഗം.
വിവിധ കമ്പനികളുടെ ഇന്‍ഷുറന്‍സ് പോളിസികള്‍ ഈ പ്ലാറ്റ്‌ഫോമില്‍ ലഭ്യമാണ്. ഇതില്‍ നിന്ന് ഇഷ്ടമുള്ളത് തെരഞ്ഞെടുക്കാന്‍ ഉപഭോക്താവിന് സാധിക്കും. ലൈഫ് ഇന്‍ഷുറന്‍സ് കൗണ്‍സിലും ജനറല്‍ ഇന്‍ഷുറന്‍സ് കൗണ്‍സിലുമാണ് പ്ലാറ്റ്‌ഫോം നിയന്ത്രിക്കുന്നത്. ഇന്‍ഷുറന്‍സ് കമ്പനികള്‍, ഏജന്റ്‌സ്, ഇടനിലക്കാര്‍, ഉപഭോക്താക്കള്‍ എന്നിവയ്ക്ക് ഇതില്‍ പ്രവേശിക്കാന്‍ സാധിക്കും.
ഡീമാറ്റ് ഇ- ഭീമ അല്ലെങ്കില്‍ ഇ- ഇന്‍ഷുറന്‍സ് അക്കൗണ്ട് വഴിയാണ് പോളിസിയുടമകള്‍ക്ക് സേവനം ലഭ്യമാക്കുന്നത്. പേപ്പര്‍ രൂപത്തില്‍ രേഖകള്‍ ഇതില്‍ സൂക്ഷിക്കേണ്ടതില്ല. സ്വകാര്യ ഉറപ്പുവരുത്തുന്നതാണ് പുതിയ സംവിധാനം. എഴുത്തുകുത്തുകള്‍ ഇല്ലാതെ തന്നെ സുഗമമമായി ഇന്‍ഷുറന്‍സ് പുതുക്കുന്നതിനുള്ള സംവിധാനവും ഇതില്‍ ഏര്‍പ്പെടുത്തിയിട്ടുണ്ട്.
പോളിസികള്‍ സൂക്ഷിക്കാന്‍ സഹായിക്കുന്ന റീപോസിറ്ററികളില്‍ ഒന്ന് തെരഞ്ഞെടുത്ത് മുന്നോട്ടുപോകാനുള്ള അവസരം ഇതില്‍ ഒരുക്കിയിട്ടുണ്ട്. ഇതുവഴി ക്ലെയിം സെറ്റില്‍മെന്റ് പോലുള്ള നടപടികള്‍ വേഗത്തിലാക്കാന്‍ സാധിക്കും. ലൈഫ്, ജനറല്‍, ഹെല്‍ത്ത്, മോട്ടോര്‍ ഇന്‍ഷുറന്‍സ് പോളിസികള്‍ ഇതില്‍ ലഭ്യമാണ്.
ഈ വാര്‍ത്ത കൂടി വായിക്കൂ
സമകാലിക മലയാളം ഇപ്പോള്‍ വാട്ട്‌സ്ആപ്പിലും ലഭ്യമാണ്. ഏറ്റവും പുതിയ വാര്‍ത്തകള്‍ അറിയാന്‍ ക്ലിക്ക് ചെയ്യൂ
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
