ന്യൂഡല്‍ഹി: ബജറ്റ് രാജ്യത്തെ എല്ലാ വിഭാഗം ജനങ്ങളെയും ഉള്‍ക്കൊള്ളുന്നതും മെച്ചപ്പെട്ട വളര്‍ച്ചയിലേക്ക് നയിക്കുന്നതുമാണെന്ന് പ്രധാനമന്ത്രി നരേന്ദ്രമോദി. ശോഭനമായ ഭാവിയിലേക്കുള്ള ദിശാസൂചികയാണ് ബജറ്റ്. ഇന്ത്യയെ ലോകത്തെ മൂന്നാമത്തെ സമ്പദ് വ്യവസ്ഥയിലേക്ക് നയിക്കുന്ന ചാലകശക്തിയായാണ് ബജറ്റ് വര്‍ത്തിക്കുന്നത്. കൂടാതെ വികസിത ഇന്ത്യ എന്ന സ്വപ്‌നത്തിലേക്ക് അടിത്തറ പാകുന്നതുമാണെന്നും പ്രധാനമന്ത്രി പറഞ്ഞു.
യുവാക്കള്‍, പിന്നാക്ക വിഭാഗങ്ങള്‍, സ്ത്രീകള്‍, മധ്യവര്‍ഗം, ഉല്‍പ്പാദനം, അടിസ്ഥാന സൗകര്യ മേഖലകള്‍ എന്നിവയില്‍ ബജറ്റ് ഊന്നല്‍ നല്‍കിയതിനെ മോദി അഭിനന്ദിച്ചു. തൊഴിലവസരങ്ങളുമായി ബന്ധപ്പെട്ട പ്രോത്സാഹന പദ്ധതികള്‍ കോടിക്കണക്കിന് പുതിയ തൊഴിലുകള്‍ സൃഷ്ടിക്കുമെന്നും മോദി പ്രത്യാശ പ്രകടിപ്പിച്ചു. ഈ ദീര്‍ഘവീക്ഷണമുള്ള ബജറ്റ് സമൂഹത്തിലെ എല്ലാ വിഭാഗങ്ങളെയും ഉന്നമനത്തിലേക്ക് നയിക്കും. എല്ലാവരെയും ശാക്തീകരിക്കുകയും ശോഭനമായ ഭാവിക്ക് വഴിയൊരുക്കുകയും ചെയ്യും. തൊഴില്‍ അവസരങ്ങളും സൃഷ്ടിക്കുന്നതില്‍ തന്റെ സര്‍ക്കാരിന്റെ പ്രതിബദ്ധത ഊന്നിപ്പറയുന്നതാണ് ബജറ്റെന്നും മോദി പറഞ്ഞു.
വാര്‍ത്തകള്‍ അപ്പപ്പോള്‍ ലഭിക്കാന്‍ സമകാലിക മലയാളം ആപ് ഡൗണ്‍ലോഡ് ചെയ്യുക ഏറ്റവും പുതിയ വാര്‍ത്തകള്‍
രാജ്യത്തെ കര്‍ഷകരുടെ ഉന്നമനം ലക്ഷ്യമിട്ടുള്ളതാണ് ബജറ്റ്. ലോകത്തിലെ ഏറ്റവും വലിയ ധാന്യ സംഭരണ പദ്ധതിക്ക് തുടക്കം കുറിച്ച സര്‍ക്കാര്‍ ഇപ്പോള്‍ കര്‍ഷകരെയും ഇടത്തരക്കാരെയും സഹായിക്കുന്ന 'പച്ചക്കറി ഉല്‍പാദന ക്ലസ്റ്ററുകള്‍' അവതരിപ്പിച്ചിരിക്കുകയാണെന്നും പ്രധാനമന്ത്രി പറഞ്ഞു. കര്‍ഷകരെ സ്വയംപര്യാപ്തമാക്കാന്‍ പയറുവര്‍ഗങ്ങള്‍, എണ്ണക്കുരു എന്നിവയുടെ ഉല്‍പ്പാദനം വര്‍ധിപ്പിക്കാന്‍ സ്വീകരിച്ച നടപടികള്‍ പ്രയോജനം ചെയ്യുമെന്നും മോദി പറഞ്ഞു. കഴിഞ്ഞ പത്തുവര്‍ഷം കൊണ്ട് 25 കോടി ജനങ്ങളെ ദാരിദ്ര്യത്തില്‍ നിന്ന് മുക്തമാക്കാന്‍ കഴിഞ്ഞു. മുന്‍പ് ഒന്നും ഇല്ലാത്തവിധം മധ്യവര്‍ഗത്തെ ശക്തിപ്പെടുത്താന്‍ കഴിയുന്ന ബജറ്റാണിതെന്നും മോദി കൂട്ടിച്ചേര്‍ത്തു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
