പ്രതിമാസം 30,000 രൂപ ശമ്പളമുള്ളയാളാണോ നിങ്ങള്? എങ്ങനെ മാസംതോറുമുള്ള ബജറ്റ് പ്ലാന് ചെയ്യണം എന്നതിനെ കുറിച്ച് ആശയക്കുഴപ്പം ഉണ്ടോ? ദീര്ഘകാല നിക്ഷേപത്തിന് എത്ര രൂപ മാറ്റിവെയ്ക്കണം? ദൈനംദിന ആവശ്യങ്ങള്ക്കായി എത്ര നീക്കിവെയ്ക്കണം? ഇത്തരം ചോദ്യങ്ങള്ക്ക് ഉത്തരം തേടുന്നവര്ക്ക് പിന്തുടരാവുന്ന ഒരു റൂള് ആണ് 50-30-20 റൂള്.
ശമ്പളത്തിന്റെ 50 ശതമാനം ജീവിക്കാന് ആവശ്യമായ ഒഴിച്ചുകൂടാനാവാത്ത ചെലവുകള്ക്കായി മാറ്റിവെയ്ക്കുക. വാടക, ഭക്ഷണം, പെട്രോള്, ഇഎംഐ, ഇന്ഷുറന്സ്, തുടങ്ങിയവയെല്ലാം ഇതില് ഉള്പ്പെടും. അതുകൊണ്ട് 30,000 രൂപ ശമ്പളമുള്ളയാള് 15,000 രൂപ വരെ ഈ ആവശ്യങ്ങള്ക്കായി മാറ്റിവെയ്ക്കുക
ശമ്പളത്തിന്റെ 30 ശതമാനം സന്തോഷം തരുന്ന കാര്യങ്ങള്ക്കായി നീക്കിവെയ്ക്കുക. ട്രിപ്പ് പോകുക, ഡ്രസ് വാങ്ങിക്കുക, സിനിമ കാണുക, ഷൂ വാങ്ങിക്കുക, തുടങ്ങിയവയെല്ലാം ഇതില് ഉള്പ്പെടും. ഇതിന് വേണ്ടി ശമ്പളത്തിലെ 9000 രൂപ മാറ്റിവെയ്ക്കുക.
ശേഷിക്കുന്ന 20 ശതമാനം നിര്ബന്ധമായും ദീര്ഘകാലത്തേയ്ക്കായി നിക്ഷേപിക്കുക. അതായത് ശമ്പളത്തിലെ 6000 രൂപ ഇതിനായി നീക്കിവെയ്ക്കുക. ഒരു നിഫ്റ്റി 50 ഇന്ഡെക്സ് ഫണ്ട്, ഒരു മിഡ് ക്യാപ് ഫണ്ട്, ഒരു ഫ്ലെക്സി ക്യാപ് ഫണ്ട് എന്നിവയില് നിക്ഷേപിക്കുക. ഭാവിയില് സമ്പാദ്യം ഉണ്ടാക്കാന് ഈ ഫണ്ടുകള് വഴി സാധിക്കുമെന്ന് വിപണി വിദഗ്ധര് പറയുന്നു.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
