ന്യൂഡല്‍ഹി: കരണ്‍ ജോഹറിന്റെ ധര്‍മ്മ പ്രൊഡക്ഷന്‍സിന്റെ അമ്പത് ശതമാനം ഓഹരികള്‍ അദാര്‍ പൂനാവാലയുടെ സെറീന്‍ പ്രൊഡക്ഷന് വിറ്റതായി റിപ്പോര്‍ട്ട്. ഓഹരികള്‍ വാങ്ങാനായി അദര്‍ പൂനാവാല 1000 കോടി രൂപയാണ് ചെലവിട്ടത്.
അതേസമയം ധര്‍മ്മ പ്രൊഡക്ഷന്‍സില്‍ 50 ശതമാനം ഓഹരി കരണ്‍ ജോഹര്‍ നിലനിര്‍ത്തും. കമ്പനിയുടെ എക്‌സിക്യൂട്ടീവ് ചെയര്‍മാനായി കരണും ചീഫ് എക്‌സിക്യൂട്ടീവ് ഓഫീസറായി അപൂര്‍വ മേത്തയും തുടരും.
'എന്റെ സുഹൃത്ത് കരണ്‍ ജോഹറിനൊപ്പം നമ്മുടെ രാജ്യത്തെ ഏറ്റവും പ്രശസ്തമായ പ്രൊഡക്ഷന് ഹൗസുമായി പങ്കാളിയാകാന്‍ അവസരം ലഭിച്ചതില്‍ ഞാന്‍ സന്തുഷ്ടനാണ്, ധര്‍മ്മ കെട്ടിപ്പടുക്കാനും വളര്‍ത്താനും വരും വര്‍ഷങ്ങളില്‍ ഇനിയും വലിയ ഉയരങ്ങള്‍ കൈവരിക്കാനും സാധിക്കുമെന്ന് ങ്ങള്‍ പ്രതീക്ഷിക്കുന്നു,' അദാര്‍ പൂനവാല പറഞ്ഞു.
യഷ് ജോഹറിന്റെ മരണത്തോടെയാണ് മകന്‍ കരണ്‍ ജോഹര്‍ ധര്‍മ്മ പ്രൊഡക്ഷന്‍സിന്റെ സാരഥിയായത്. ദീര്‍ഘകാല സ്വാധീനമുള്ള സിനിമകള്‍ നിര്‍മ്മിക്കാനുള്ള പിതാവ് യാഷ് ജോഹറിന്റെ സ്വപ്നത്തെക്കുറിച്ചും കരണ്‍ പറഞ്ഞു. 'തുടക്കം മുതല്‍ ധര്‍മ്മ പ്രൊഡക്ഷന്‍സ് ഇന്ത്യന്‍ സംസ്‌കാരത്തിന്റെ സത്തയെ ഉള്‍ക്കൊള്ളുന്നു. എന്റെ പിതാവ് എപ്പോഴും നിലനില്‍ക്കുന്ന സിനിമകള്‍ നിര്‍മ്മിക്കണമെന്ന് സ്വപ്നം കണ്ടു, ആ കാഴ്ചപ്പാട് മുന്നോട്ട് കൊണ്ടുപോകുന്നതില്‍ ഞാന്‍ എന്റെ കരിയര്‍ സമര്‍പ്പിച്ചു.' കരണ്‍ ജോഹര്‍ പറഞ്ഞു
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
