കൊച്ചി: സംസ്ഥാനത്ത് സ്വര്ണവില വീണ്ടും കൂടി. 1,07,000ലേക്കാണ് സ്വര്ണവില അടുക്കുന്നത്. ഇന്ന് പവന് 680 രൂപയാണ് വര്ധിച്ചത്. 1,06,960 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 85 രൂപയാണ് കൂടിയത്. 13,370 രൂപയാണ് ഒരു ഗ്രാം സ്വര്ണത്തിന്റെ വില.
അമേരിക്ക- ഇറാന് സംഘര്ഷത്തിന് അയവ് വന്നതോടെ എണ്ണവില കുറഞ്ഞത് അടക്കമുള്ള ഘടകങ്ങളാണ് സ്വര്ണവിലയില് പ്രതിഫലിച്ചത്. വിലക്കയറ്റ ആശങ്ക നിലനില്ക്കുമ്പോഴും അമേരിക്കന് കേന്ദ്ര ബാങ്ക് പലിശ നിരക്കില് മാറ്റം വരുത്തിയേക്കില്ല എന്ന റിപ്പോര്ട്ടുകളും സ്വര്ണവിലയില് പ്രതിഫലിക്കുന്നുണ്ട്.
വരും ദിവസങ്ങളിലും അന്താരാഷ്ട്ര വിപണിയിലെ ചലനങ്ങള്ക്കനുസരിച്ച് സംസ്ഥാനത്തെ വിലയില് വ്യതിയാനങ്ങള് തുടരാന് സാധ്യതയുണ്ട്. ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
