കൊച്ചി: സംസ്ഥാനത്ത് കഴിഞ്ഞ ഏതാനും ദിവസങ്ങളിലായി ഇടിവ് നേരിട്ട സ്വര്ണവിലയില് ഇന്ന് വര്ധന. പവന് ഒറ്റയടിക്ക് 1080 രൂപയാണ് വര്ധിച്ചത്. 1,12,320 രൂപയാണ് ഒരു പവന് സ്വര്ണത്തിന്റെ വില. ഗ്രാമിന് ആനുപാതികമായി 135 രൂപയാണ് വര്ധിച്ചത്. 14,040 രൂപയാണ് ഒരു ഗ്രാം സ്വര്ണത്തിന്റെ വില.
ഇസ്രയേല്- ഇറാന് സംഘര്ഷം കുറഞ്ഞതിനെ തുടര്ന്ന് ഇന്ന് എണ്ണവിലയില് ഇടിവ് രേഖപ്പെടുത്തി. ഇന്ത്യ മുഖ്യമായി ആശ്രയിക്കുന്ന ബ്രെന്ഡ് ക്രൂഡിന്റെ വില ബാരലിന് 93 ഡോളറിലേക്ക് നീങ്ങുകയാണ്. പശ്ചിമേഷ്യന് സംഘര്ഷവും എണ്ണവില ഇടിവും അടക്കമുള്ള വിഷയങ്ങളാണ് സ്വര്ണവിലയില് പ്രതിഫലിച്ചത്. കഴിഞ്ഞ ഏതാനും ദിവസങ്ങള്ക്കിടെ 3000 രൂപയിലധികമാണ് സ്വര്ണവിലയില് ഇടിവ് ഉണ്ടായത്. ഇതിന് പിന്നാലെയാണ് ഇന്ന് സ്വര്ണവില തിരിച്ചുകയറിയത്.
ജനുവരി 29ന് രേഖപ്പെടുത്തിയ 1,31,160 രൂപയാണ് സ്വര്ണ വിലയിലെ റെക്കോര്ഡ്. ഡിസംബര് 23നാണ് പവന് വില ആദ്യമായി ഒരു ലക്ഷം കടന്നത്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
