മുംബൈ: നിക്ഷേപകര്ക്ക് വലിയ നേട്ടം സമ്മാനിച്ചാണ് ദക്ഷിണ കൊറിയന് ഇലക്ട്രോണിക്സ് ബ്രാന്ഡായ എല്ജി ഇന്നലെ ഇന്ത്യന് ഓഹരി വിപണിയില് ലിസ്റ്റ് ചെയ്തത്. ഇഷ്യു വിലയേക്കാള് 50 ശതമാനം നേട്ടത്തോടെയാണ് കമ്പനി വിപണിയില് അരങ്ങേറ്റം കുറിച്ചത്. അതിനിടെ ചില നിക്ഷേപകര്ക്ക് പേരൊന്നു മാറിയപ്പോള് മറ്റൊരു ഓഹരിയും ഇതോടൊപ്പം കുതിച്ചുയരുന്നതിനും ഇന്നലെ വിപണി സാക്ഷ്യം വഹിച്ചു.
കോയമ്പത്തൂര് ആസ്ഥാനമായി പ്രവര്ത്തിക്കുന്ന, വാഹന നിര്മാണ ഘടകങ്ങള് നിര്മിക്കുന്ന കമ്പനിയായ എല്ജി ബാലകൃഷ്ണന് ആന്ഡ് ബ്രോസ് ലിമിറ്റഡിന്റെ ഓഹരിയാണ് കുതിച്ചുയര്ന്നത്. എല്ജി ഇലക്ട്രോണിക്സ് ഓഹരി വാങ്ങാനുള്ള ശ്രമത്തിനിടെ അബദ്ധത്തില് എല്ജി ബാലകൃഷ്ണന്റെ ഓഹരികള് വാങ്ങിക്കൂട്ടിയതാണ് കുതിച്ചുചാട്ടത്തിന് കാരണം. അപ്രതീക്ഷിതമായ കുതിപ്പില് എല്ജി ബാലകൃഷ്ണന്റെ ഓഹരിവില 1,390 രൂപയില് നിന്ന് റെക്കോര്ഡ് 1,600 രൂപയിലെത്തി. 15 ശതമാനമായിരുന്നു ഒരുഘട്ടത്തില് നേട്ടം. അബദ്ധം തിരിച്ചറിഞ്ഞ പലരും പിന്നീട് ഓഹരി വിറ്റൊഴിഞ്ഞു. അതോടെ ഓഹരിവില വ്യാപാരാന്ത്യത്തില് 1.6 ശതമാനം താഴ്ന്ന് 1,367.60 രൂപയിലെത്തി.
1937ലാണ് കമ്പനി സ്ഥാപിതമായത്. 4372 കോടി രൂപയാണ് എല്ജി ബാലകൃഷ്ണന്റെ വിപണി മൂല്യം. ഇത്തരത്തില് പേര് സംബന്ധിച്ച ആശയക്കുഴപ്പം ഉണ്ടാവുന്നത് ആദ്യ സംഭവമല്ലെന്ന് റിപ്പോര്ട്ടുകള് വ്യക്തമാക്കുന്നു. നേരത്തേ ടാറ്റാ മോട്ടോഴ്സ്, ടാറ്റാ മോട്ടോഴ്സ് ഡിഫറന്ഷ്യല് വോട്ടിങ് റൈറ്റ്സ് (ഡിവിആര്) ഓഹരികള് തമ്മില് പലര്ക്കും മാറിപ്പോവുകയും ഡിവിആര് ഓഹരികളില് വലിയ വാങ്ങല് താല്പര്യം ഉണ്ടാവുകയും ചെയ്തിട്ടുണ്ട്.
Subscribe to our Newsletter to stay connected with the world around you
Follow Samakalika Malayalam channel on WhatsApp
Download the Samakalika Malayalam App to follow the latest news updates
